Na ndiqni në:

Arrin nota verbale e njohjes së Kosovës nga Fixhi

Prishtinë, 22 nëntor 2012 – Ministri i Punëve të Jashtme i Republikës së Kosovës, Enver Hoxhaj, ka pranuar notën verbale dhe një letër për njohjen zyrtare të Republikës së Kosovës nga Republika e Fixhit.

Në përputhje të plotë me njoftimin e para dy ditëve të kryeministrit të Republikës së Kosovës, Hashim Thaçi, i cili ka bërë publik në mbledhjen e Qeverisë së Kosovës, njohjen e Republikës së Kosovës nga ky shtet, nota verbale konfirmon këtë akt të rëndësishëm për shtetin e Kosovës.

Në letrën që ministri i Punëve të Jashtme dhe Bashkëpunimit Ndërkombëtar i Fixhit, Inoke Kubuabola, i ka dërguar ministrit Hoxhaj, konfirmohet vendimi zyrtar i Qeverisë së Republikës së Fixhit për njohjen formale të pavarësisë së Kosovës.

“Dëshiroj të ju njoftoj se me këtë njohje formale, Fixhi shpreh gatishmërinë që të procedohet vendosja formale e marrëdhënieve diplomatike ndërmjet dy shteteve tona”, thuhet në letrën e ministrit Kubuabola, dërguar ministrit Hoxhaj.

Në letër po ashtu shprehet vullneti i Qeverisë së Fixhit, që pas njohjes formale të pavarësisë së Kosovës, të thellohet bashkëpunimi si dhe shkëmbimet e përvojave në forumet ndërkombëtare ndërmjet dy shteteve tona.

Ministri i Punëve të Jashtme i Kosovës, Enver Hoxhaj, gjatë këtij viti ka pasur kontakte të shpeshta dhe takime direkte me liderët e këtij shteti.

Në muajin gusht, në kuadër të vizitave lobuese në Oqeani, Hoxhaj ka zhvilluar edhe një vizitë në Republikën e Fixhit, ku ka zhvilluar takime me homologun Inoke Kubuabola dhe kryeministrin e Fixhit, duke kërkuar vendosjen e marrëdhënieve diplomatike ndërmjet dy shteteve.

Po ashtu, në shtator, gjatë pjesëmarrjes në takimin  Asamblesë së Përgjithshme të OKB-së, ministri Hoxhaj ka zhvilluar edhe një takim tjetër me homologun nga Fixhi, ku kishte marrë përkrahjen e këtij shteti për shtetin e Kosovës.

Republika e Fixhit shtrihet në pjesën jugore të Oqeanit Paqësor, ka kryeqytet Suvan dhe një popullsi prej mbi 800 mijë banorë.

Fixhi është shtet anëtar i Kombeve të Bashkuara nga tetori i vitit 1970.

Murtezaj në Samitin e Ballkanit: Kosova është e përcaktuar qartë për vizionin evropianHoxhaj takon ambasadorin hungarez, diskutojnë për marrëveshjet ekonomike para vizitës së ministrit të jashtëm të Hungarisë në KosovëZv. ministri Demaj në Kroaci kërkon përkrahje për zhvillimin ekonomik të KosovësHoxhaj në Bruksel: Sot u shënuan dy ngjarje të rëndësishme që e përafrojnë Kosovën me BE-në