Regjistrohu për info

Arkivi

Shkurt 2015
H Ma E P Sh D
1
2345678
9101112131415
16171819202122
232425262728

Ministri Hoxhaj kërkon njohjen nga Kameruni

Xhibuti, 15 nëntor 2012 – Ministri i Punëve të Jashtme i Republikës së Kosovës, Enver Hoxhaj, gjatë pjesëmarrjes në takimin e Këshillit të Ministrave të Jashtëm të Organizatës së Bashkëpunimit Islamik (OBI), ka zhvilluar takime të ndara me shumë homologë nga vende të ndryshme të botës, anëtare të kësaj organizate.
Shkarko me rezolucion më të madhShkarko me rezolucion më të madh

Ministri Hoxhaj gjatë ditës ka takuar edhe ministrin e deleguar të Ministrisë së Punëve të Jashtme të Kamerunit, Adoum Gargoum, nga i cili ka kërkuar njohjen e Republikës së Kosovës nga ky shtet.

Hoxhaj e ka njoftuar homologun kamerunas për progresin që është arritur në Kosovë gjatë pothuaj pesë vjetëve të pavarësisë.

Ai e ka njoftuar ministrin Gargoum për procesin e suksesshëm të shtetndërtimit, ndërtimin e institucioneve qeverisëse moderne në nivel qendror dhe lokal, reformat e thella ekonomike e sociale, procesin e ndërtimit të një sistemi modern gjyqësor dhe të sigurisë.

Hoxhaj po ashtu ka theksuar fokusimin e Kosovës në forcimin e pozitës ndërkombëtare, përmes sigurimit të njohjeve nga gjysma e shteteve anëtare të  OKB-së, të cilat tashmë e kanë njohur Kosovën, dhe anëtarësimin e saj në organizatat ndërkombëtare.

“Gjykata Ndërkombëtare e Drejtësisë legalisht ka konfirmuar të drejtën e Kosovës për shtet të pavarur dhe sovran dhe kjo nuk e ka shkelur të drejtën ndërkombëtare. Kemi larguar mbikëqyrjen ndërkombëtare të Kosovës dhe sot Kosova është një vend me pavarësi dhe sovranitet të plotë”, ka thënë Hoxhaj.

Në anën tjetër, ministri i deleguar i Ministrisë së Punëve të Jashtme të Kamerunit, Adoum Gargoum, ka thënë se shteti i tij nuk ka asnjë arsye politike apo juridike që të mos e njohë pavarësinë e Kosovës, duke shprehur simpatinë e popullit të tij për popullin e Kosovës.

Ministri Enver Hoxhaj, gjatë qëndrimit në Xhibuti, ka zhvilluar takime edhe me ministrat e Punëve të Jashtme të Katarit, Arabisë Saudite, Bahrejnit, me të cilët ka diskutuar për thellimin e bashkëpunimit bilateral në të gjitha aspektet, me theks të veçantë në fushën e bashkëpunimit ekonomik.

Prapa

Stay Connected with MFA

Mbledhja e dytë, thellon bashkëpunimi strategjik

27.02.2015

Prishtinë, 27 shkurt – Zëvendëskryeministri i parë dhe ministri i Punëve të Jashtme i Kosovës, Hashim Thaçi, sot priti në takim homologun shqiptar, Ditmir Bushati, i cili po zhvillon një vizitë zyrtare në Kosovë.më shumë

Ministrat e jashtëm të Evropës Juglindore, në bllok kundër terrorizmit

24.02.2015

Tiranë, 24 shkurt 2015 – Ka përfunduar samiti i ministrave të Jashtëm të Evropës Juglindore, ku është diskutuar për bashkëpunimin rajonal dhe sigurinë. Ministrat e jashtëm të shteteve të rajonit kanë dënuar të...më shumë