Na ndiqni në:

Hoxhaj falënderon Berishën për përkrahjen e gjithanshme të Shqipërisë për Kosovën

Tiranë, 12 nëntor 2012 – Në ditën e parë të vizitës zyrtare në Shqipëri, ministri i Punëve të Jashtme të Republikës së Kosovës, Enver Hoxhaj, është takuar me kryeministrin e Republikës së Shqipërisë, Sali Berisha.

Kryeministri Berisha ka shprehur gëzimin e tij për progresin që po arrihet në Kosovë në të gjitha fushat.

“Ju përgëzoj zoti ministër, jam gëzuar shumë për njohjen e fundit që erdhi nga Timori Lindor. Ky shtet, njëjtë si Kosova, ka sakrifikuar shumë për pavarësi”, tha Berisha, duke shprehur mbështetjen e plotë dhe të fuqishme të Shqipërisë për rritjen e numrit të njohjeve për Kosovën.

Kryeministri i Shqipërisë po ashtu shprehu mbështetje për angazhimin dhe punën e fuqishme të institucioneve të Kosovës në rrugën evropiane.

Berisha ka shprehur përkrahjen e Shqipërisë edhe për dialogun për normalizimin e marrëdhënieve ndërmjet Republikës së Kosovës dhe Republikës së Serbisë, duke thënë se shtetet fqinje duhet t’i zgjidhin çështjet e hapura, bilateralisht.

Ai po ashtu vlerësoi marrëveshjen për menaxhimin e integruar të kufijve, duke theksuar se kjo marrëveshje duhet të implemetohet sa më shpejt.

Në anën tjetër, ministri i Punëve të Jashtme i Republikës së Kosovës, Enver Hoxhaj, ka informuar kryeministrin Berisha për progresin e vazhdueshëm në Kosovë, për njohjet e fundit si dhe për perspektiven integruese evropiane të Kosovës.

“Kam falënderuar kryeministrin Berisha për mbështetjen në procesin e njohjeve, në anëtarësimin e Kosovës në organizatat rajone, evropiane dhe ndërkombëtare si dhe kemi biseduar për thellimin e bashkëpunimit ekonomik dhe tregtar ndërmjet dy shteteve”, ka thënë Hoxhaj.

Zëvendësministri Murtezaj priti një delegacion të MPJ të SllovenisëNënshkruhen marrëdhëniet diplomatike me Gambinë, Hoxhaj pret dinamikë më të shtuarHoxhaj në New York takon homologët nga Gjermania dhe Tajlanda, Kosova e bekuar me miqtë e sajHoxhaj në takimin e RCC: Autostrada Prishtinë - Nish ndër projektet më të rëndësishme rajonale