Regjistrohu për info

Arkivi

Prill 2015
H Ma E P Sh D
12345
6789101112
13141516171819
20212223242526
27282930

Hoxhaj: Njohja nga Vatikani, inspirim për shtetet tjera

Prishtinë, 6 tetor 2012 – Ministri i Punëve të Jashtme i Republikës së Kosovës, Enver Hoxhaj ka zhvilluar një takim me delegatin apostolik të Vatikanit për Republikën e Kosovës, Juliusz Janusz, i cili është nunci apostolik për Slloveni.
Shkarko me rezolucion më të madh

Gjatë takimit, Ministri Hoxhaj e ka informuar atë për zhvillimet në Kosovë, për agjendën evropiane të Kosovës pas përfundimit të mbikëqyrjes së pavarësisë si dhe për njohjet e reja të Kosovës nga shtete të ndryshme të botës.
 
Ai ka shprehur mirënjohjen dhe konsideratat e qytetarëve dhe institucioneve të Republikës së Kosovës për përkrahjen tradicionale që ka dhënë Vatikani për Kosovën.

Hoxhaj dhe Janusz po ashtu kanë biseduar për format e thellimit të bashkëpunimit ndërmjet Kosovës dhe Vatikanit.

Me këtë rast, Ministri Hoxhaj ka theksuar se njohja eventuale nga Vatikani, do të ishte inspirim për shumë vende të botës që të ndjekin shembullin e njëjtë.

“Po ashtu kjo do të ishte një mirënjohje për vuajtjet e mëhershme dhe angazhimin e fuqishëm aktual të popullit të Kosovës për ndërtimin e një shteti demokratik në përputhje të plotë me vlerat më të mira demokratike evropiane, pasi që Kosova është shtet evropian edhe me histori, edhe me gjeografi dhe me kulturë”, ka thënë Hoxhaj.

Delegati apostolik i Vatikanit për Republikën e Kosovës, Juliusz Janusz, ka vlerësuar progresin e arritur në Kosovë, duke premtuar mbështetjen e fuqishme të Selisë së Shenjtë për Kosovën.
 

Prapa

Stay Connected with MFA

Zëvendëskryeministri Thaçi në Turqi për 100-vjetorin e Betejës së Çanakkalasë

24.04.2015

Prishtinë, 24 prill 2015 – Zëvendëskryeministri i parë dhe ministri i Jashtëm i Republikës së Kosovës, Hashim Thaçi, ka udhëtuar për në Turqi, ku do të marrë pjesë në shënimin e 100-vjetorit të...më shumë

Ballkanit Perëndimor i duhet përkrahje më e madhe nga BE-ja

23.04.2015

Prishtinë, 23 prill 2015 – Zëvendëskryeministri i parë dhe ministri i Punëve të Jashtme të Kosovës, Hashim Thaçi, po qëndron në Bërdo të Sllovenisë në samitin e ministrave të jashtëm të shteteve të...më shumë