Na ndiqni në:

Hoxhaj dënon sulmet mbi ambasadat e SHBA-së, Mbretërisë së Bashkuar dhe Gjermanisë

Prishtinë, 17 shtator 2012 – Ministri i Punëve të Jashtme i Republikës së Kosovës, Enver Hoxhaj përmes telegrameve të dërguara Sekretares Amerikane të Shtetit, Hillary Clinton, Ministrit të Punëve të Jashtme të Gjermanisë, Guido Westerwelle dhe Sekretarit të Jashtëm të Mbretërisë së Bashkuar, William Hague, ka dënuar ashpër sulmet ndaj ambasadave të këtyre shteteve në pjesë të ndryshme të botës.

Në këto telegrame, Ministri Hoxhaj, në emër të qytetarëve dhe institucioneve të Republikës së Kosovës shpreh keqardhjen për aktet e papranueshme që kanë ndodhur në disa shtete, duke dënuar ashpër sulmet kundër misioneve diplomatike e konsullore të këtyre shteteve dhe personaliteteve që përfaqësojnë SHBA-të, Mbretërinë e Bashkuar dhe Gjermaninë në këto vende.

Hoxhaj po ashtu shpreh mbështetjen e plotë të Republikës së Kosovës dhe qytetarëve të saj për angazhimet e fuqishme që Shtetet e Bashkuara të Amerikës dhe partnerët e saj po bëjnë për zhvillimin e lirisë dhe demokracisë në të gjitha anët e botës.

Fuqizohet Marrëveshja e bashkëpunimit për energji Kosovë - ShqipëriMPJ përgënjeshtron lajmet e mediave serbe: Janë pjesë e fushatës qëllimkeqe për dëmtimin e imazhit të Kosovës Kosova dhe Austria fuqizojnë marrëveshjen për bashkëpunim financiarHoxhaj takon homologun nga Estonia, mbështetje për Kosovën në agjendën evropiane dhe të integrimeve