Na ndiqni në:

Çadi njeh Republikën e Kosovës

Prishtinë, 1 qershor 2012 – Republika e Çadit është vendi i 91 që njeh shtetin sovran dhe të pavarur të Kosovës.

Përmes një note verbale dërguar Ministrisë së Punëve të Jashtme të Kosovës, Qeveria e Republikës së Çadit ka konfirmuar njohjen e pavarësisë së Kosovës nga ky shtet.

“Qeveria e Çadit njofton MPJ të Republikës së Kosovës se Republika e Çadit edhe formalisht njeh Kosovën shtet të pavarur dhe sovran”, thuhet në notën verbale të Qeverisë së Çadit.

Një muaj më parë (02 maj 2012), ministri i Punëve të Jashtme i Republikës së Kosovës, Enver Hoxhaj në Ambasadën e Çadit në Paris kishte zhvilluar një takim me Ministrin e Jashtëm të Çadit, Moussa Faki Mahamat.

Në këtë takim, ministri Hoxhaj kishte marr konfirmimin nga homologu i tij, që Republika e Çadit shumë shpejt do të publikojë vendimin për njohjen e shtetit të pavarur dhe sovran të Kosovës.

Njohja e Republikës së Çadit vjen në kohën kur Ministria e Punëve të Jashtme dhe institucioneve tjera të përfshira në procesin e njohjeve po bëjnë përpjekje maksimale për përmbylljen e plotë të këtij procesi.

Çadi ndodhet në pjesën qendrore-veriore të Afrikës. Çadi në veri kufizohet me Libinë, në lindje me Sudanin, në jug me Republikën e Afrikës Qendrore, në jug-perëndim me Kamerunin e Nigerinë dhe në veri-perëndim me Nigerin.

Republika e Çadit zë një sipërfaqe prej 1,284 milion km2 në brendi të Afrikës Veriore dhe në të banojnë mbi 10 milionë banorë. Kryeqytet i Çadit është N´Xhamena (N´Djamena). Gjuhë zyrtare shtetërore janë frëngjishtja dhe arabishtja. Që nga 1996, sipas Kushtetutës së miratuar, Çadi është një Republikë Presidenciale.

Hoxhaj thirrje për tolerancë dhe paqe në urimin për Krishtlindjet OrtodokseHoxhaj takon Quintin: Treni pjesë e politikës agresive të Serbisë ndaj KosovësFuqizohet Marrëveshja Financiare për IPA 2015 në mes të Kosovës dhe Komisionit EvropianHoxhaj bisedon me ministrin e jashtëm të Francës, kërkon mbështetje për lirimin e Haradinajt