Na ndiqni në:

Zëvendëskryeministri Pacolli vizitë zyrtare në ShBA, pritet të zhvillojë takime të nivelit të lartë

Prishtinë, 28 Nëntor 2017 – Zëvendëskryeministri dhe Ministri i Jashtëm, Behgjet Pacolli, ka udhëtuar sot pasdite për në Shtetet e Bashkuara të Amerikës, në vizitën e tij të parë zyrtare në këtë shtet, që kur ai pranoi detyrën e tij.

Në kuadër të kësaj vizite Ministri i Jashtëm, Pacolli do të ketë takime të nivelit të lartë në Shtëpinë e Bardhë, Departamentin Amerikan të Shtetit, Kongresmenë dhe personalitete tjera të larta në shtetin pritës.

Veç takimeve të shumta, që pritet t’i zhvillojë gjatë qëndrimit të tij në Uashington, ministri Pacolli, do t’i adresohet edhe konferencës së organizuar nga Këshilli Atlantik, “Një stuhi që po vjen, formësimi i së ardhmes së Ballkanit në një kohë të pasigurisë”, në panelin “Investimi në të ardhmen: a munden ndërmarrësit ta rregullojnë Ballkanin?

Në koferencën e Këshillit Atlantik pritet të marrin pjesë edhe Ministrat e Jashtëm të vendeve të rajonit.
 

Ministri i Jashtëm Pacolli: Rekomandimi pozitiv për liberalizimin e vizave një moment i rëndësishëm historik për vendin dhe qytetarëtKomunikatë për MediaMinistri i Jashtëm Pacolli priti homologun maqedonas Dimitrov, marrëdhëniet në mes dy vendeve shembull i bashkëpunimit në rajon Drejtori i Përgjithshëm, Albert Prenkaj takoi deputetin nga Australia, Chris Crewther