Ministri Hoxhaj telegram urimi Ministrit të ri të Punëve të Jashtme të Francës, Laurent Fabius

Ministri Hoxhaj, në emër të Qeverisë së Republikës së Kosovës, qytetarëve të saj dhe në emrin e tij personal, i ka adresuar Ministrit Fabius urimet dhe dëshirat më të mira për sukses në këtë funksion të ri.

Hoxhaj ka thënë se Franca ka luajtur gjithmonë një rol të rëndësishëm në skenën ndërkombëtare duke u shprehur plotësisht i bindur se nën udhëheqjen e z. Fabius, parimet dhe vlerat universale gjithmonë do të mbështeten dhe të promovohen ashtu si dhe paqja dhe miqësia ndërmjet popujve.

“Kosova është shumë mirënjohëse për angazhimin e Francës në favor të lirisë, konsolidimin e pavarësisë dhe thellimin e demokracisë dhe institucioneve shtetërore të Kosovës. Unë jam i bindur se Franca do të vazhdojë angazhimin e saj përballë Kosovës në rrugën e integrimit të saj në aleancën atlantike dhe në Bashkimit Evropian”, ka thënë ndër të tjera në telegram Ministri Hoxhaj, duke shprehur gatishmërinë e plotë për të punuar me Ministrin Fabius për të përforcuar marrëdhëniet dypalëshe ndërmjet dy shteteve.