Austria përkrahje të fuqishme për perspektivën evropiane të Kosovës

Shkarko me rezolucion më të madh

Në takim është diskutuar për marrëdhëniet bilaterale ndërmjet Republikës së Kosovës dhe Austrisë, për reformat që është duke ndërmarrë Kosova në proceset integruese evropiane dhe për perspektivën euroatlantike të Kosovës.
 
Zëvendësministri Gashi i falënderoi përfaqësuesit austriak për mbështetjen e vazhdueshme që Austria ka dhënë dhe po vazhdon të jap në shtetndërtimin dhe forcimin e subjektivitetit ndërkombëtar të Kosovës.
 
Gashi e ka njoftuar delegacionin e Austrisë edhe për proceset integruese të Kosovës, për progresin e vazhdueshëm që po shënohet nga institucionet edhe shoqëria kosovare në këtë rrugë, si dhe për hapat e ardhshëm në realizimin e aspiratave euro-integruese.
 
Ndërkaq, nënkryetari i Parlamentit të Austrisë, Fritz Neugebauer ka shprehur mbështetjen e fuqishme të Austrisë për Kosovën, me theks të veçantë për perspektivën e saj evropiane.
 
“Unë kam qenë në vitin 2009 në Kosovë. Që nga atëherë po shoh ndryshime shumë të mëdha. Ne do të mbështesim Kosovën në rrugën e saj evropiane. Evropa nuk është e plotë pa integrimin e Ballkanit në Bashkimin Evropian”, ka thënë Neugebauer, gjatë takimit me zëvendësministrin Gashi.