Këshilli Britanik në Kosovë, Këshilli Britanik në Washington DC dhe Ambasada Britanike, në bashkëpunim me Ministrinë e Punëve të Jashtme të Kosovës, organizojnë “Rrjetin Transatlantik TN2020”

Shkarko me rezolucion më të madh

“Rrjeti Transatlantik 2020 (TN2020)” është një rrjet i qëndrueshëm i liderëve të rinj nga Evropa dhe Amerika Veriore i mbështetur nga Këshilli Britanik, me qëllim të zhvillimit të ideve të reja dhe qasjeve kreative për sfidat e përbashkëta. Iniciativa TN2020 ka për qëllim të zhvillojë një qasje praktike e cila mund të shfrytëzoj rininë dhe kapacitetet e qytetarëve të Ballkanit, për arritjen e synimeve dhe realizimin e qëllimeve të përbashkëta.

Kjo çështje komplekse do të diskutohet, elaborohet dhe materializohet në projekte konkrete. Kjo do të ekzekutohet nga katër grupe punuese gjatë tre ditëve të konferencës:

•    Grupi Qeveritar
•    Grupi i Biznesit
•    Grupi i Medieve
•    Grupi i Shoqërisë Civile

Një konferencë e përbashkët do të mbahet të hënën, më 26 Mars 2012 në ora 12:00, në sallën e medieve në Objektin e Qeverisë së Kosovës.

Në konferencë, para gazetarëve do të paraqiten Zëvendësministri i Punëve të Jashtme të Kosovës, Petrit Selimi dhe Drejtoresha e Këshillit Britanik në Kosovë, Arjeta Emra.

Mediet, po ashtu, janë të ftuara të marrin pjesë edhe në hapjen e sesionit të konferencës, e cila do të zhvillohet prej orës 09:00 deri më 10:15 të së Martës, më 27 Mars 2012 në "Hotel Emerald".

Për më shumë informata ju lutemi të kontaktoni:

Artan Behrami
Ministria e Punëve të Jashtme
artan.behrami@gmail.com
045 454 591

Donika Berisha
British Council
donika.berisha@ks.britishcouncil.org
038/243-292