Na ndiqni në:

Ministri Demaj pranon kopjen e letrave kredenciale nga Ambasadori i ri slloven, vlerësohen marrëdhëniet tradicionalisht miqësore në mes dy vendeve

Prishtinë, 6 Shtator 2017 – Ushtruesi i Detyrës së Ministrit të Punëve të Jashtme të Republikës së Kosovës, Emanual Demaj, ka pranuar kopjen e letrave kredenciale nga Ambasadori i caktuar slloven në vendin tonë, Bojan Bertoncelj, gjatë një takimi kortezie, të mbajtur në Ministrinë e Punëve të Jashtme.

Me këtë rast, Ministri Demaj ka falënderuar Ambasadorin e caktuar slloven, Bertoncelj, për përkrahjen konsistente të shtetit dhe popullit slloven ndaj procesit të shtet-ndërtimit në Kosovë dhe në veçanti ndaj mbështetjes së palëkundur, që shteti slloven i ka dhënë procesit të integrimit të vendit tonë në strukturat evro-atlantike; bashkëpunimit rajonal dhe fqinjësisë së mirë; si dhe forcimit të legjitimitetit ndërkombëtarë të Kosovës nëpërmjet anëtarësimit të vendit tonë në nisma rajonale dhe Organizata Ndërkombëtare.

Në margjina të këtij takimi të ty bashkëbiseduesit kanë vlerësuar marrëdhëniet tradicionalisht miqësore në mes dy popujve dhe dy vendeve, duke shprehur përkushtimin e dy anshëm që fryma e tillë e miqësisë dhe bashkëpunimit të vazhdojë të mbizotërojë marrëdhëniet në mes dy vendeve dhe dy popujve edhe në të ardhmen.

Ministri Pacolli takon shkrimtarin Kadare-Kadare: Pacolli ka vënë në shërbim të Kosovës, emrin, autoritetin dhe personalitetin e tijKomunikatë për mediaMbahet Konferenca rajonale e sigurisë “NATO dhe Ballkani Perëndimor: Dinamikat rajonale në periudhën e sfidave globale të sigurisë” Zëvendës-Kryeministri i Parë dhe Ministri i Punëve të Jashtme i Republikës së Kosovës, Behgjet Pacolli merr pjesë në përurimin e liqenit akumulues në lumin Ibër