Viza për shtetasit e huaj
Republika e Kosovës nuk aplikon ende një regjim vizash për shtetasit e huaj. Çdo shtetas i huaj mund të hyjë në territorin e Republikës së Kosovës duke paraqitur:
- Dokument udhëtimi të vlefshëm,
- Dëshmi lidhur me mbulimin e shpenzimeve të jetesës për periudhën e qëndrimit
- Biletë kthyese (për qëndrime të shkutra)
- Arsyet e vizitës në Kosovë. (Varësisht nga arsyet e vizitës në Kosovë kërkohen dhe dokumentet e tjera plotësuese.)
Në rastet kur shtetasit e Kosovës ftojnë shtetas të huaj për vizitë private në Kosovë, atëherë shtetasi kosovar duhet që 10 ditë para se të arrijë i ftuari i tij të paraqesë në Departamentin për Shtetësi, Azil dhe Migracion të MPB një letër garantuese e cila duhet të jetë e vulosur nga Gjykata Komunale Kompetente.
Në raste të vizitave biznesore personi garantues duhet të paraqesë në MPB dokumentacionin përkatës lidhur me biznesin që shtetasi i huaj do të zhvillojë në Kosovë dhe, kur kjo është e nevojshme dhe kopjen e certifikatës së biznesit e kompanisë vendase që dërgon ftesën.
Shtetasi i huaj ka të drejtë qëndrimi në Kosovë vetëm 90 ditë. Pas 90 ditësh duhet të lajmërohet në Drejtorinë për të Huaj në Policinë e Kosovës, në të kundërt, qëndrimi i tij do të trajtohet si qëndrim i jashtëligjshëm.
Policia kufitare ka përgjegjësi ta kthejë shtetasin në rast dyshimi të arsyeshëm lidhur me dokumentacionin ose arsyet e hyrjes në Kosovë.
Stay Connected with MFA