Agjencia për Mërgatë
Agjencia e Mërgatës së Kosovës, sipas ligjit, është organi përgjegjës qeveritar për pjesëtarët e Mërgatës, e cila ushtron dhe zbaton autoritetin dhe përgjegjësitë e përcaktuara në këtë akt juridik. Agjencia e Mërgatës së Kosovës themelohet si Agjenci Ekzekutive, e cila në aspektin organizativ është pjesë e Zyrës së Kryeministrit.
dhe ka përgjegjësitë si në vijim:
- zbaton dispozitat e këtij ligji dhe aktet nënligjore, të miratuara, në bazë të tij;
- përpilon dhe propozon politikat për promovimin e vlerave të Mërgatës dhe mbikëqyr zbatimin e tyre;
- koordinon zbatimin e marrëveshjeve me Qendrat Kulturore të Kosovës për Mërgatën;
- koordinon punën rreth përgatitjes së Planit Strategjik të Mërgatës, dhe monitoron zbatimin e tij;
- bashkëpunon me institucionet e tjera shtetërore dhe komunale dhe shoqërinë civile për përmirësimin e pozitës së Mërgatës së Republikës së Kosovës;
- për përmirësimin e pozitës së Mërgatës bashkëpunon me Institucionet e shteteve të tjera me miratimin e Qeverisë së Republikës së Kosovës.
- punon dhe ndihmon në ngritjen e vetëdijes së përgjithshme të Mërgatës së Republikës së Kosovës;
- ndihmon në promovimin e identitetit kulturor, gjuhësor dhe arsimor të Republikës së Kosovës, në shtetet e ndryshme, ku jeton mërgata;
- në koordinim dhe bashkëpunim me Qendrat Kulturore të Kosovës për Mërgatën përgatitë raporte për Qeverinë, për gjendjen e Mërgatës;
- i raporton çdo vit Qeverisë, për veprimtarinë e Agjencisë.
Stay Connected with MFA