Kosova dhe Egjipti synojnë avancimin e marrëdhënieve ndërshtetërore

Prishtinë, 1 mars 2017 – Akademia Diplomatike e Ministrisë Punëve të Jashtme të Republikës së Kosovës ka organizuar njëligjëratë me temën: “Diplomacia publike: Marrëdhëniet Kosovë-Egjipt”. Në këtë ligjëratë kanë folur ish ministri i Jashtëm i Egjiptit, Mohamed El Orabi dhe Ahmed El Moslemany, ish këshilltar i ish presidentit të Egjiptit, Adly Mansour, të cilët po qëndrojnë për një vizitë zyrtare në Republikën e Kosovës.

Drejtori i përgjithshëm i Akademisë Diplomatike, ambasadori Beqir Ismaili, i ka falënderuar mysafirët nga Egjipti për vizitën në Kosovë, duke vlerësuar lartë rolin e Egjiptit ndaj Kosovës. Ambasadori Ismaili ka veçuar kontributin e Egjiptit gjatë kohës së luftës 1998-1999 me ndihma për popullin e Kosovës, si dhe për arritjen e 11 marrëveshjeve ndërshtetërore pas shpalljes së pavarësisë.


Në fjalimin e tij, ish ministri i Punëvetë Jashtme të Egjiptit, aktualisht deputet i Parlamentit egjiptian, Mohamed El Orabi, ka folur për rolin e diplomacisë publike. Ai ka thënë se duhet arritur marrëdhënietndërmjet dy vendeve në nivelin mëtëlartë. El Orabi ka vlerësuar se nëKosovëështë bërëmjaftë progres. “Kemi kuptuar se në këtë vend ka shumë tolerancë dhe kjo është çka na duhet në rendin e ri botërorë”, ka thënë ai.


Ndërkohë, Ahmed El-Moslemany këshilltar i ish presidentit të Egjiptit, Adly Mansou, ka thënë se qëllimi i vizitës së tyre në Kosovës është që të fuqizohen raportet në mes të dy shteteve. “Do të jem zëdhënës i juaji, kudo që te jem”, ka premtuar El Moslemany.


Të dy bashkë ligjëruesit kanë vlerësuar se duhet që bashkërisht të punohet për të ngritur marrëdhëniet ndërmjet dy shteteve në të gjitha fushat. Në ligjëratën e mbajtur në bibliotekën kombëtare “Pjetër Bogdani”, kanë marrë pjesë përfaqësues të institucioneve të ndryshme, intelektualë, përfaqësues të organizatave të ndryshme dhe studentë. Delegacioni egjiptian gjatë vizitës dy ditore në Kosovë kanë pasur takime të shumta me përfaqësuestëlartëtë institucioneve tëKosovës, shoqërinë civile, etj. 

Abonimi
Kalendari
HMMEPShD
      1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31