Arkivi

Korrik 2015
H Ma E P Sh D
12345
6789101112
13141516171819
20212223242526
2728293031

Prioritetet e Politikës së Jashtme

Prioritetet e Politikës së Jashtme të Republikës së Kosovës

Ministria e Punëve të Jashtme e Republikës së Kosovës angazhohet për ruajtjen dhe sigurimin e pavarësisë së vendit, mbrojtjen e interesave shtetërore në arenën ndërkombëtare, promovimin e interesave politike dhe ekonomike të Kosovës, mbrojtjen dhe përfaqësimin e të drejtave dhe interesave të shtetasve të saj. Ministria e Punëve të Jashtme të Kosovës, zotohet se do të angazhohet maksimalisht për rritjen e subjektivitetit të shtetit të ri, njohjen e pavarësisë së Kosovës nga shumica e shteteve të bashkësisë ndërkombëtare, vendosjen e marrëdhënieve diplomatike me këto shtete, kultivimin e marrëdhënieve të ngushta dhe speciale me Shtetet e Bashkuara të Amerikës, ndërtimin e partneritetit strategjik me Bashkimin Evropian dhe NATO-n dhe avancimin e shpejtë në proceset integruese në BE, duke filluar nga liberalizimi i vizave për qytetarët e Kosovës.

Prioritetet kryesore të politikës së jashtme të Republikës së Kosovës, me qëllim të realizmit sa më të suksesshëm të misionit të saj janë:

  • Njohja e pavarësisë së Kosovës nga shumica absolute e shteteve të bashkësisë ndërkombëtare dhe vendosja e marrëdhënieve diplomatike me këto vende.
  • Kultivimi i marrëdhënieve të ngushta dhe speciale me Shtetet e Bashkuara të Amerikës, mbetet prioritet i veçantë në politikën e jashtme të Kosovës, marrëdhënie këto, të cilat vazhdojnë të kenë rol strategjik në ruajtjen e paqes dhe stabilitetit në vend dhe rajon.
  • Ndërtimi i partneritetit strategjik me Bashkimin Evropian dhe NATO-n, përfshirë vendosjen e marrëdhënieve kontraktuale me këto organizata, në rrugën drejt integrimeve Euro-Atlantike.
  • Përfshirja e Kosovës në procesin e liberalizimit të vizave, gjë që do të mundësonte lëvizjen e lirë të njerëzve dhe mallrave në vendet e rajonit dhe BE-së.
  • Anëtarësimi i Kosovës në organizatat ndërkombëtare me interes të veçantë për subjektivitetin dhe prestigjin ndërkombëtar të Republikës së Kosovës.
  • Zhvillimi i marrëdhënieve të mira fqinjësore dhe bashkëpunimi rajonal me interes të përbashkët, përmes marrëveshjeve dypalëshe dhe multilaterale.
  • Përfaqësimi dhe mbrojtja e interesave të shtetasve të Republikës së Kosovës.
  • Rritja e mirëqenies së qytetarëve të Republikës së Kosovës përmes promovimit të interesave ekonomike, tërheqjes së investimeve të huaja dhe anëtarësimit në organizatat ekonomike ndërkombëtare.
  • Funksionalizimi dhe rritja e kapaciteteve të shërbimit të jashtëm dhe konsullor të Republikës së Kosovës.
  • Promovimi i një imazhi real dhe modern të Republikës së Kosovës.  

Stay Connected with MFA

Selimi priti në takim lamtumirës ambasadoren e Finlandës, Anne Meskanen

06.07.2015

Prishtinë, 6 korrik 2015 – Zëvendësministri i Punëve të Jashtme të Republikës së Kosovës, Petrit Selimi, ka pritur sot në takim lamtumirës ambasadoren e Republikës së Finlandës, Anne Meskanen.më shumë

Zëvendëskryeministri Thaçi: Kosova nuk do të cenojë kredibilitetin e vendit dhe miqve ndërkombëtarë

02.07.2015

Prishtinë, 2 korrik 2015 – Zëvendëskryeministri i Parë dhe Ministri i Jashtëm i Republikës së Kosovës, Hashim Thaçi, priti sot në një takim pune drejtorin e Departamentit amerikan të Shtetit të Zyrës për...më shumë