Na ndiqni në:

Legalizime

Legalizimi i dokumentave publike të lëshuara nga institucionet e Republikës së Kosovës mund të bëhet vetëm në Kosovë bazuar në sistemin zinxhir të legalizimit të dokumentave.

Për përdorimin e dokumentave publike të Kosovës në shtetet e tjera, shtetasit e Kosovës duhet të bëjnë:

-    vërtetimin në institucionin përgjegjës për lëshimin e tyre,
-    legalizimin në Ministrinë e Punëve të Jashtme dhe
-    legalizimin në institucionin përgjegjës të vendit në të cilin dokumentacioni do të përdoret. (Aktualisht legalizim të dokumenteve publike të Kosovës kërkojnë: Austria, Franca , Zvicra (vetëm dokumentet e institucioneve arsimore), Portugalia, Belgjika, Bullgaria, Holanda, Hungaria, Turqi, Kroacia, Sllovenia, Shqipëria, Italia  (Vetëm dokumentet e Gjykatave dhe aktet noteriale), Maqedoni  (Vetëm diplomat edhe dëftesat e shkollave)).

Legalizimi në Ministrinë e Punëve të Jashtme të Kosovës, bëhet për të gjitha dokumentat publike të cilat paraprakisht i janë nënshtruar vërtetimit në organet përgjegjëse.

Lista e dokumenteve që legalizohen aktualisht nga DÇK/MPJ:

-           Çertifikata të gjendjes civile (të verifikuara paraprakisht në ARC/MPB)
-           Vendim i  lirimit nga shtetësia /fitim shtetësisë
-           Diploma, certifikata dhe dëftesa, pasqyrë notash, vërtetime të institucioneve edukative (të verifikuara në MASHT)
-           Dokumente gjyqësore (të verifikuara në Gjykatën Themelore)
-           Vërtetime mbi të kaluarën kriminale (vërtetohen paraprakisht në PK)
-           Akte noteriale
-           Dokumente të përkthyera (nga përkthyesi gjyqësor)

Organi përgjegjës për legalizim

Departamenti për Çështje Konsullore
Rruga "Luan Haradinaj", Prishtinë 10000, RKS
Tel: +381 38 200 11 037

Orari

Legalizimi i dokumentave mund të bëhet çdo ditë të rregullt pune sipas orarit të poshtëshënuar. Ju kujtojmë se periudha për legalizimin e dokumentave mund të ndryshojë në varësi të fluksit të dokumentave të paraqitura në Departamentin për Çështje Konsullore. Periudha e legalizimit mund të zgjasë më së shumti 3 (tre) ditë pune.
Dorëzimi i dokumentave për legalizim mund të bëhet:

paradite nga ora 08.30 –  11.00 dhe mbasdite nga ora 13.30 – 15.00

Tërheqja e dokumentave të legalizuara mund të bëhet sipas ditës së caktuar nga zyrtari përgjegjës në këto orare:
paradite nga ora 11.00 – 12. 00 dhe mbasdite nga ora 15.00 – 16.00

Vërejtje të rëndësishme:

* Procesi i legalizimit bëhet vetëm në dokumentat publike origjinale.

** Legalizimi i dokumenteve publike aktualisht bëhet PA PAGESË.

***Për legalizimin e dokumentave nuk është e nevojshme prezenca e bartësit të dokumentacionit.