Regjistrohu për info

Arkivi

Janar 2015
H Ma E P Sh D
1234
567891011
12131415161718
19202122232425
262728293031

Republika e Beninit shteti i 80 që njeh pavarësinë e Kosovës

Prishtinë, 18 gusht 2011– Republika e Beninit ka njohur zyrtarisht pavarësinë e Kosovës, duke e rritur në 80 numrin e shteteve që e kanë njohur Republikën e pavarur dhe sovrane të Kosovës.
Shkarko me rezolucion më të madhShkarko me rezolucion më të madh

Nota verbale e njohjes së Republikës së Kosovës nga ky shtet afrikano-perëndimor, është dërguar në Kosovë nga Zëvendëskryeministri i Parë i Republikës, Behgjet Pacolli, i cili po zhvillon një turne lobues për njohjen e Kosovës, në shumë vende të Afrikës.

Nota verbale është prezantuar para medieve në Prishtinë, nga Zëvendësministri i Punëve të Jashtme i Republikës së Kosovës, Ibrahim Gashi.

Me këtë rast, Zëvendësministri Gashi tha se njohja nga Republika e Beninit, e treta e ardhur këtë javë nga Afrika, është fryt i aktivitetit lobues të Zëvendëskryeministrit të Parë të Qeverisë së Kosovës, Behgjet Pacolli në kontinentin e  Afrikës.

“Mund të themi se aktiviteti lobues i z. Pacolli në Afrikë,  që është në frymën dhe në funksion të realizimit të strategjisë për njohje e cila është hartuar bashkërisht nga Ministria e Punëve të Jashtme, z. Pacolli dhe të gjithë akterët e tjerë të politikës së jashtme të Kosovës, shumë shpejt do të rezultojë edhe me njohje të tjera nga Afrika”, tha Gashi.

Zëvendësministri i jashtëm ka deklaruar po ashtu se bartësit e politikës së jashtme në Republikën e Kosovës janë në një proces të lobimit për përmbylljen e procesit të njohjeve.

“Besojmë se deri në fund të këtij viti ky proces do të rezultojë me rritjen e ndjeshme të numrit të shteteve që kanë njohur Kosovën, duke arritur që së paku gjysma e shteteve anëtare të OKB-së ta kenë njohur Republikën e Kosovës”, ka thënë Zëvendësministri Ibrahim Gashi.

Republika e Beninit ndodhet në Afrikën Perëndimore dhe kufizohet me Togon, Nigerinë, Burkina Fason dhe Republikën e Nigerit. Kryeqyteti i Beninit është Porto-Novo, kurse Qeveria është e vendosur në qytetin më të madh të shtetit, Cotonou. Benini ka një sipërfaqe prej rreth 110,000 kilometra katrorë me një popullsi prej rreth 9 milionë banorësh.
 

Prapa

Stay Connected with MFA

Drejt NATO-s me hapa pragmatikë

23.01.2015

Prishtinë, 22 Janar – Zëvendëskryeministri i parë dhe ministri i Punëve të Jashtme i Republikës së Kosovës, Hashim Thaçi, ka pritur sot në takim Sekretarin e Përgjithshëm të NATO-s, Jens Stoltenberg.më shumë

Selimi me agjendë të ngjeshur

23.01.2015

Prishtinë, 23 janar 2015 – Zëvendësministri i Punëve të Jashtme i Republikës së Kosovës, Petrit Selimi ka pritur sot ambasadorin e Letonisë në Çeki, jo rezident për Kosovën, Alberts Sarkanis. Takimi i zëvendësministrit...më shumë