Na ndiqni në:

Republika e Nigerit dhe Republika e Guinea Conakry njohin pavarësinë e Kosovës

Prishtinë, 16 gusht 2011 - Republika e Nigerit dhe Republika e Guinea Conakry kanë njohur zyrtarisht pavarësinë e Kosovës, duke e rritur në 79 numrin e shteteve që e kanë njohur Republikën e pavarur dhe sovrane të Kosovës.

Notat verbale të njohjes së Republikës së Kosovës nga këto dy shtete afrikane, janë dërguar në Kosovë nga Zëvendëskryeministri i Parë i Republikës, Behgjet Pacolli, i cili po zhvillon një turne lobues për njohjen e Kosovës, në shumë vende të Afrikës.

Republika e Nigerit, shtrihet në Afrikën Perëndimore dhe ka një sipërfaqe prej rreth  1 milion e 300 mijë kilometrash katrorë, duke qenë shteti më i madh i Afrikës Perëndimore.
Nigeri është një shtet në zhvillim dhe ka rreth 15 milionë banorë.

Republika e Guinea Conakry ndodhet në Afrikën Perëndimore.  Më herët e njohur si Guinea franceze, ky shtet ka një popullsi prej rreth 10 milionë banorësh të cilët i përkasin njëzet e katër grupeve etnike të ndryshme. Sipërfaqja e Guineas është rreth 250 mijë kilometra katrorë.
 

Fillon në Sunion, ministeriali i Grupit të Vishegradit, plus vendeve të Ballkanit perëndimor, ku ministri Pacolli po merr pjesë me ftesë të homologut të tij grek, Nikos KotziasMPJ në shërbim të komunave për promovim përmes diplomacisë ekonomikePacolli në Forumin Ekonomik Botëror: Mosmarrëveshjet politike po e pengojnë bashkëpunimin ekonomikMinistri i Jashtëm Pacolli uron Paraguajin për 207 vjetorin e Pavarësisë, i bën thirrje për ri-shqyrtimin e njohjes