Republika e Kosovës vendos marrëdhënie diplomatike me Sulltanatin e Omanit
Prishtinë, 4 shkurt 2011 - Republika e Kosovës ka vendosur marrëdhënie diplomatike me Sulltanatin e Omanit. Përmes ambasadës sonë në Londër kemi marrë letër nga Sulltanati i Omanit, i cili hap dyert për vendosjen e marrëdhënieve diplomatike me Republikën e Kosovës. 
Prapa
Në letrën që ka mbërri në Ministrinë e Punëve të Jashtme thuhet: “U njohëm me vendimin e GJND lidhur me çështjen e pavarësisë së Kosovës dhe Qeveria e Sulltanatit të Omanit do të mirëpresë anëtarësimin e Kosovës në Organizatën e Kombeve të Bashkuara, organizata të tjera ndërkombëtare dhe rajonale, në të cilat ajo dëshiron të anëtarësohet”.
MPJ që nga sot ka marrë vendim që Ambasadorin e Republikës së Kosovës në Londër, Muhamet Hamiti ta akreditojë si ambasador jo rezident në Oman dhe kjo kërkesë do të deponohet pranë autoritete përkatëse të Sulltanatit të Omanit.
Sulltanati i Omanit është vendi i 75 që e njeh Pavarësinë e Republikës së Kosovës.
Stay Connected with MFA