Na ndiqni në:

Zëvendësministri Petrit Selimi mban një fjalë rasti në konferencën e 11-të ndërkombëtare për dialog ndërfetar në Doha të Katarit

Doha, Katar, 26 mars 2014 - Zëvendësministri i Punëve të Jashtme i Republikës së Kosovës, Petrit Selimi, ka mbajtur një fjalë rasti në panelin me titull “Krijimi i Hapësirave të Përbashkëta të Dialogimit: përkrahja dhe promovimi i mirëkuptimit midis komuniteteve që kanë qenë në konflikt.”

Paneli është organizuar në kuadër të Konferencës së 11-të ndërkombëtare për dialog ndërfetar në Doha të Katarit nga Ministria e Punëve të Jashtme e Katarit dhe Qendra Ndërkombëtare për Dialog Ndërfetar në Doha.

Gjatë vizitës në Katar, zëvendësministri Selimi është takuar me sekretarin e përgjithshëm të Organizatës për Bashkëpunim Islamik, Iyad Ameen Madani, si dhe me ministrin tunizian për Çështje Fetare, Mounir Tlili.

Krahas konferencës ndërkombëtare për dialog ndërfetar, zëvendësministri Selimi po ashtu ka marrë pjesë në takimin e pestë mbi Procesin e Stambollit për luftimin e diskriminimit në baza të besimit fetar, që është një seri e takimeve vjetore që ka për qëllim avancimin e zbatimit të Rezolutës 16/18 që adreson mostolerancën dhe diskriminimin e bazuar në besimin fetar. 

Si nismëtar i iniciativës “Interfaith Kosova”, zëvendësministri Selimi ka folur para një audience të shumëllojshme të përbërë nga diplomatë, akademikë dhe njohës të fushës së dialogut ndërfetar. Selimi ka prezantuar portfolion e larmishëm të aktiviteteve ndërfetare të implementuara në kuadër të nismës “Interfaith Kosova”. Kjo nismë është lansuar nga Ministria e Punëve të Jashtme së bashku me komunitetet fetare, si dhe me organizatat e shoqërisë civile që promovojnë dialogun ndërfetar në Kosovë dhe në rajon si instrument për të ndërtuar shoqëri demokratike që respektojnë të gjitha komunitetet pa dallim. Suksesi i kësaj nisme ka qenë i mundur për shkak të përkrahjes së partnerëve implementues, “Tony Blair Faith Foundation” dhe Këshilli Britanik, si dhe duke iu falënderuar mbështetësve kyç, Ambasadës së Norvegjisë dhe Ambasadës Britanike në Prishtinë.

Gjatë fjalës së tij në konferencë, zëvendësministri Selimi gjithashtu ka bërë një përmbledhje të bashkëjetesës historikisht paqësore mes besimeve të ndryshme në Kosovë, duke shërbyer si kontekst për të shpjeguar gjendjen e marrëdhënieve të tanishme mes pjesëtarëve të komunitetit Islam dhe Ortodoks si pasojë e jo si shkak i luftës. Ndërkohë, zëvendësministri Selimi ka ndarë edhe suksesin e nismës “Interfaith Kosova” në afrimin e udhëheqësve fetarë të të gjitha besimeve në Kosovë, duke përfshirë edhe Kishën Ortodokse Serbe.

Zëvendësministri Selimi gjithashtu ka theksuar nevojën për të avancuar jo vetëm dialogun ndërfetar por edhe dialogun përbrenda besimeve fetare për të adresuar ekstremizmin fetar. Zëvendësministri i Punëve të Jashtme ka folur krahas tre promovuesve të dialogut ndërfetar, Rev. Gabriel Leonard Allen nga Gambia, Dr. Joseph Wandera nga Kenia dhe Claudio Epelman nga Argjentina. Profesoresha Steiner ka moderuar panelin.

Zëvendësministri Murtezaj priti një delegacion të MPJ të SllovenisëMurtezaj: Vizioni i Kosovës është promovimi i paqes, i stabilitetit në rajon dhe avancimi i raporteve me NATO-nHoxhaj takon homologët e shteteve njohëse, kërkon mbështetje për betejat e ardhshme diplomatike të KosovësNënshkruhen marrëdhëniet diplomatike me Gambinë, Hoxhaj pret dinamikë më të shtuar