Regjistrohu për info

Arkivi

Nëntor 2014
H Ma E P Sh D
12
3456789
10111213141516
17181920212223
24252627282930

Hoxhaj: Anëtarësimi në RCC, historik për Kosovën

Prishtinë, 28 shkurt 2013 –Ministri i Punëve të Jashtme i Republikës së Kosovës në një konferencë për medie ka thënë se anëtarësimi i Republikës së Kosovës në Këshillin për Bashkëpunim Rajonal (RCC) është një ditë historike dhe shumë e rëndësishme për Republikën e Kosovës.

“Kosova sot u bë anëtare e plotë e Këshillin për Bashkëpunim Rajonal, që është organizata më e madhe rajonale në Evropën Juglindore. Nëse ju kujtohet Pakti i Stabilitetit, RCC është vetëm vazhdimësi e saj”, ka thënë Hoxhaj.

Duke folur për përfitimet që Republika e Kosovës do të ketë nga anëtarësimi në RCC, ministri Hoxhaj ka theksuar se prioriteti më i rëndësishëm i politikës së jashtme është anëtarësimi i Kosovës në organizata rajonale, evropiane dhe në organizata të tjera ndërkombëtare. Sipas tij, përfitimi i parë është padyshim  - politik.

“Me këtë anëtarësimi, Republika e Kosovës hyn në rrugën e pakthyeshme drejt Bashkimit Evropian, sepse RCC është instrumenti kryesor i para-anëtarësimit në Bashkimin Evropian. Kosova do të ketë të drejtën e përfaqësimit, të nënshkrimit dhe të votimit si të gjitha shtetet anëtare të kësaj organizate”, ka shtuar ai.

Hoxhaj ka thënë se përfaqësimi i Kosovës në këtë organizatë, pa dyshim që është një forcim i pozitës ndërkombëtare të Kosovës dhe një fuqizim i rolit të saj në rajon. Sipas tij, anëtarësimi në RCC do të lehtësojë anëtarësimin e Republikës së Kosovës në shumë organizata të Evropës Juglindore që funksionojnë nën ombrellën e RCC-së.

Njëherësh, ai ka shtuar se përftimi i dytë është shoqëror dhe institucional.  RCC do të angazhohet në implementimin e projekteve që do të përtërijnë dhe forcojnë potencialin njerëzor në Republikën e Kosovës dhe në Evropën Juglindore. “Po ashtu Republika e Kosovës do të përfitojë edhe nga shkëmbimi dhe bashkëpunimi parlamentar. Prandaj do të ketë një intensifikim të bashkëpunimit parlamentar në të gjitha nivelet”, ka theksuar Hoxhaj.

Përfitimi i tretë, nga anëtarësimi i Republikës së Kosovës në RCC, është aspekti ekonomik.
 
“RCC do të mbështet një numër iniciativash shoqërore dhe ekonomike në Kosovë, të cilat kanë si pikësynim lehtësirat në investime; zhvillimin e Ndërmarrjeve - Bizneseve të Vogla dhe atyre të Mesme; liberalizimin e tregtisë; përmirësimin e shëndetit publik; dialogun shoqëror, dhe reformën e praktikave zyrtare të punësimit”, ka paralajmëruar ministri Hoxhaj.

Prapa

Stay Connected with MFA

Përmbyllet me sukses konferenca për diplomacinë shumëpalëshe dhe Kosovën

25.11.2014

Vjenë, 25 nëntor 2014 – Përfundoi punimet konferenca dyditore për diplomacinë multilaterale “Mundësitë dhe sfidat për anëtarësimin e Kosovës në organizata ndërkombëtare”, e organizuar në Vjenë nga Akademia...më shumë

Mbahet në Vjenë konferenca dyditore për diplomacinë multilaterale

24.11.2014

Vjenë, 24 nëntor 2014 – Akademia Diplomatike e Republikës së Kosovës në bashkëpunim me Akademinë Diplomatike të Vjenës hapën sot në Vjenë konferencën dyditore për diplomacinë multilaterale të titulluar...më shumë