Regjistrohu për info

Arkivi

Dhjetor 2014
H Ma E P Sh D
1234567
891011121314
15161718192021
22232425262728
293031

Naim Malaj, ambasador jo rezident në Principatën e Lihtenshtajnit

Vaduz, 13 dhjetor 2012 - Në një ceremoni shtetërore, të organizuar sipas protokollit të Principatës së Lihtenshtajnit, ambasadori i Republikës së Kosovës në Zvicër, Naim Malaj, ka dorëzuar letrat kredenciale të presidentes së Kosovës, Atifete Jahjaga, te autoritetet e Lihtenshtajnit.
Shkarko me rezolucion më të madh

Ambasadori Malaj është pritur fillimisht nga ministrja e Punëve të Jashtme, Aurelia Frick, të cilës i ka dorëzuar kopjet e letrave kredenciale.

Gjatë këtij takimi, ishte i pranishëm edhe drejtori i Zyrës për Punë të Jashtme, ambasadori Martin Frick.

Ambasadori Malaj përcolli mesazhet mirënjohëse të presidentes Jahjaga për mbështetjen që Lihtenshtajni ka dhënë për Kosovën dhe popullin e saj, kurse ministrja Frick, duke e quajtur këtë moment historik, shprehu falënderimet e saj dhe uroi që Kosova të vazhdojë prosperitetin si shtet i pavarur dhe sovran.

Më pas, ambasadori Malaj është pritur nga Princi Alois i Lihtenshtajnit, të cilit i ka dorëzuar  letrat kredenciale.

Princi Alois i Lihtenshtajnit është interesuar nga afër për zhvillimet politike në Kosovë dhe gjendjen në Ballkan.

Ambasadori Malaj, ka falënderuar Qeverinë e Lihtenshtajnit për mbështetjen e vazhdueshme ekonomike, pritjen e refugjatëve kosovarë gjatë luftës si dhe njohjen e pavarësisë së Kosovës.
 
Principata e Lihtenshtajnit ka njohur pavarësinë e Republikës së Kosovës më 25 mars 2008. Dy shtetet kanë vendosur marrëdhëniet diplomatike më 22 qershor 2012.

Ambasadori Malaj, i cili është ambasador i plotfuqishëm rezident në Zvicër, që nga sot, do të mbulojë edhe Lihtenshtajnin në cilësinë e ambasadorit jo rezident.

Prapa

Stay Connected with MFA

Zëvendëskryeministri Thaçi takoi në Bruksel shefen e Politikës së Jashtme, Mogherini dhe Komisionarin për Zgjerim, Hahn

18.12.2014

Bruksel, 18 dhjetor 2014 - Zëvendëskryeministri i parë dhe Ministri i Punëve të Jashtme i Republikës së Kosovës, Hashim Thaçi, gjatë vizitës që po zhvillon në Bruksel, është takuar të enjten me...më shumë

Zëvendëskryeministri Thaçi u takua me Komisionerin për Politikën e Fqinjësisë dhe Negociatat e Zgjerimit, Hahn

18.12.2014

Bruksel, 18 dhjetor 2014 - Zëvendëskryeministri i parë dhe Ministri i Punëve të Jashtme i Republikës së Kosovës, Hashim Thaçi, gjatë vizitës që po zhvillon në Bruksel, është takuar edhe me Johannes Hahn, Komisioner për...më shumë