Regjistrohu për info

Arkivi

Qershor 2015
H Ma E P Sh D
1234567
891011121314
15161718192021
22232425262728
2930

Kosova vendos marrëdhëniet diplomatike me Dominikën

Prishtinë, 12 dhjetor 2012 – Një ditë pas njohjes formale të shtetit të pavarur dhe sovran të Kosovës nga Komonuelthi i Dominikës, dy shtetet kanë vendosur zyrtarisht marrëdhëniet diplomatike ndërmjet tyre.
Shkarko me rezolucion më të madh

Akti i vendosjes së marrëdhënieve diplomatike është nënshkruar në Nju Jork ndërmjet ambasadorit Bekim Sejdiu, konsull i Përgjithshëm i Republikës së Kosovës në Nju Jork dhe përfaqësuesi i Përhershëm i Komonuelthit të Dominikës në Kombet e Bashkuara, ambasadori Vince Henderson.

Në marrëveshjen e nënshkruar nga dy ambasadorët, shprehet vullneti i dy shteteve për të zhvilluar marrëdhëniet e miqësisë dhe bashkëpunimit në politikë, ekonomi, tregti, kulturë dhe në fusha të tjera.

Dy palët janë dakorduar që të zhvillojnë marrëdhëniet e tyre në përputhje me qëllimet dhe parimet e Kartës së OKB-së, normat e të drejtës ndërkombëtare dhe në përputhje me konventat e Vjenës për marrëdhëniet diplomatike dhe konsullore.

“Dy palët janë të bindur se vendosja e marrëdhënieve diplomatike ndërmjet Republikës së Kosovës dhe Komonueltit të Dominikës është në interes të dy shteteve dhe në frymën e marrëdhënieve miqësore ndërmjet kombeve tona si dhe do ta forcojë bashkëpunimin ndërkombëtar”, thuhet në dokumentin e nënshkruar nga dy ambasadorët.

Një ditë më parë, ministri i Punëve të Jashtme i Kosovës, Enver Hoxhaj, ka pranuar notën verbale të njohjes zyrtare të Republikës së Kosovës nga Dominika.

Ministri Hoxhaj, gjatë lobimit të fuqishëm për njohje nga shtetet e Karaibeve, dy  herë gjatë vitit 2012 ka vizituar Dominikan dhe ka pasur kontakte të shpeshta dhe takime direkte me liderët e këtij shteti.

Hoxhaj ka takuar kryeministrin, njëkohësisht ministër i Punëve të Jashtme si dhe i Financave i Dominikas, Roosevelt Skerrit dhe përfaqësues të tjerë të lartë të këtij shteti.

Prapa

Stay Connected with MFA

Selimi, ndër 30 diplomatët më inovativë në botë

28.06.2015

Prishtinë, 28 qershor 2015 - Në Shtetet e Bashkuara të Amerikës, këto ditë u botua një libër me autor një nga ekspertët më të njohur italianë të diplomacisë digjitale, ku emërohen 30 diplomatët më...më shumë

MPJ dënon sulmet terroriste në Francë, Tunizi dhe Kuvajt

27.06.2015

Ministria e Punëve të Jashtme e Republikës së Kosovës dënon ashpër sulmet terroriste në Francë, Tunizi dhe Kuvajt, ku humbën jetën dhjetëra qytetarë të pafajshëm.më shumë