Na ndiqni në:

Ambasadori Shala i dorëzoi letrat kredenciale Lartmadhërisë së Tij Perandorit Akihito

Tokio, 27 nëntor 2012 – Ambasadori i Republikës së Kosovës në Japoni, Ahmet Shala, sot në Tokio i ka dorëzuar letrat kredenciale Lartmadhërisë së Tij Perandorit Akihito.

Ceremonia formale e dorëzimit të letrave kredenciale u zhvillua në Pallatin Perandorak në Tokio.
 
Lartmadhëria e Tij Perandori Akihito shfaqi kënaqësinë për pritjen dhe akreditimin e ambasadorit të Republikës së Kosovës në Japoni, si dhe për lidhjet miqësore ndërmjet dy vendeve, duke i dëshiruar Ambasadorit Shala sukses në punën e tij.

Ambasadori Shala i përcolli Perandorit përshëndetjet e institucioneve dhe popullit të Republikës së Kosovës.

Duke folur më tej për lidhjet miqësore dhe marrëdhëniet ndërshtetërore, ambasadori Shala theksoi se do të angazhohet që marrëdhëniet ndërmjet dy vendeve dhe dy popujve miq të fuqizohen edhe më tutje.

Perandori Akihito shprehu kënaqësinë për zhvillimet që ka bërë Kosova, duke i uruar një të ardhme të mirë popullit të Kosovës.

Ministri i Jashtëm Pacolli në takimin me Ministrin e Jashtëm hungarez: Ne duam menjëherë liberalizimin që të rinjtë tanë të mos ndihen të izoluar dhe diskriminuar në nivel evropianMinistri i Jashtëm Pacolli: Qytetarët e Kosovës që duan lëvizjen e lirë nuk kanë lidhje me DemarkacioninMinistri i Jashtëm Pacolli mirëpret homologun e tij nga Finlanda, vlerëson marrëdhëniet miqësore dhe rolin finlandez në shtet-ndërtimMinistri i Jashtëm Pacolli takon diplomaten e Luksemburgut, kërkon mbështetje për liberalizimin e vizave dhe bashkëpunim ekonomik