Follow us on:

Hoxhaj: Bashkëpunimi rajonal, prioritet evropian

Berlin, 24 nëntor 2012 – Ministri i Punëve të Jashtme i Republikës së Kosovës, Enver Hoxhaj, gjatë pjesëmarrjes në Konferencën e Ministrave të Jashtëm të Evropës Juglindore në Berlin, ka zhvilluar takime të ndara me homologun e Malit të Zi, Nebojša Kaluđerović dhe atë të Maqedonisë, Nikola Poposki.

Ministri Hoxhaj ka vlerësuar raportet shumë të mira dhe bashkëpunimin e fuqishëm ndërmjet Republikës së Kosovës, me dy shtetet fqinje.

Hoxhaj falënderoi homologët e Malit të Zi dhe Maqedonisë për mbështetjen që Podgorica dhe Shkupi kanë dhënë për Kosovën, në anëtarësimin në Bankën Evropiane për Rindërtim dhe Zhvillim (BERZH).

Ministri i Jashtëm i Kosovës vlerësoi edhe marrëveshjet bilaterale ndërmjet Kosovës me të dyja shtetet, duke theksuar se këto marrëveshje janë vendimtare për bashkëpunim dhe shkëmbime të fuqishme ekonomike ndërmjet shteteve në rajon.

“Qasja e Kosovës është që të kemi një bashkëpunim më të ngushtë rajonal në të gjitha fushat e jetës, i cili do t’i ndihmonte vendeve tona që të kemi rritje ekonomike edhe lëvizje të lirë të njerëzve, ideve dhe mallrave, por i cili bashkëpunim është parakusht që vendet tona të lëvizin shumë shpejt në rrugën e integrimeve evropiane”, ka thënë Hoxhaj, gjatë takimeve me Kaluđerović dhe Poposki.
 
Në anën tjetër, ministri i Punëve të Jashtme i Republikës së Malit të Zi, Nebojša Kaluđerović dhe ministri i Punëve të Jashtme i Republikës së Maqedonisë, Nikola Poposki, kanë vlerësuar progresin në Kosovë dhe kanë shprehur mbështetjen e dy shteteve të tyre për Kosovën, në proceset e integrimeve në organizatat rajonale dhe evropiane.

Ata kanë shprehur mirënjohjen e tyre edhe për bashkëpunimin e thellë që po zhvillohet ndërmjet Republikës së Kosovës me shtetet e tyre.

Hyn në fuqi marrëveshja për bashkëpunim ndërkufitar ndërmjet Kosovës, Maqedonisë dhe Komisionit EvropianNesër në Prishtinë nis Konferenca Ndërkombëtare “Germia Hill”Konferenca ndërkombëtare “Germia Hill” mblodhi afro 200 mysafirë nga 40 shtete të ndryshme të botësKosova dhe Malta nënshkruan marrëveshje kornizë për bashkëpunim