Na ndiqni në:

Konsultime me shoqërinë civile rreth ngritjes së Akademisë Diplomatike

Prishtinë, 22 nëntor 2012 – Të mërkurën në Prishtinë, Akademia Diplomatike e Republikës së Kosovës, organizoi një tryezë të rrumbullakët me përfaqësues të shoqërisë civile, të komunitetit akademik dhe të mediave, me qëllim të shkëmbimit të ideve dhe përvojave në funksion të fazës fillestare të themelimit të Akademisë Diplomatike.

Në tryezë, u trajtuan dy tema bosht të këtij forumi, roli i Akademisë Diplomatike në ngritjen e kapaciteteve të Shërbimit Diplomatik, që u prezantua nga Rektori i UP-së, Ibrahim Gashi, dhe përfshirja e Akademisë Diplomatike në ndërtimin e politikës së jashtme, prezantuar nga Fisnik Halimi, ligjërues në UBT.

Paraprakisht, drejtori i Akademisë, Albert Prenkaj, ofroi informacione në lidhje me kornizën ligjore dhe hapat e parë në ndërtimin dhe konsolidimin e këtij institucioni si dhe planin ideor për vitin 2013.

Temat e prekura zgjuan një bashkëbisedim të gjallë të pjesëmarrësve e që në përmbyllje solli mjaftë ide të vlefshme, të cilat, sipas drejtorit Prenkaj, do të merren parasysh nga ekipi përgatitor i Akademisë Diplomatike.

Zëvendësministri Hoti në Çikago, prezantohen prodhimet e KosovësMinistri i Jashtëm Pacolli uron Paraguajin për 207 vjetorin e Pavarësisë, i bën thirrje për ri-shqyrtimin e njohjesMinistri i Jashtëm Pacolli vlerëson lartë rolin e Çekisë për KosovënMinistri i jashtëm Behgjet Pacolli adreson ministerialin e vendeve të Procesit të Vishegradit plus 4 vende të Ballkanit Perëndimor, me një fjalim ku tregon lidhjet e forta të Kosovës me Europën