Regjistrohu për info

Arkivi

Tetor 2014
H Ma E P Sh D
12345
6789101112
13141516171819
20212223242526
2728293031

Arrin nota verbale e njohjes së Kosovës nga Fixhi

Prishtinë, 22 nëntor 2012 – Ministri i Punëve të Jashtme i Republikës së Kosovës, Enver Hoxhaj, ka pranuar notën verbale dhe një letër për njohjen zyrtare të Republikës së Kosovës nga Republika e Fixhit.
Shkarko me rezolucion më të madh

Në përputhje të plotë me njoftimin e para dy ditëve të kryeministrit të Republikës së Kosovës, Hashim Thaçi, i cili ka bërë publik në mbledhjen e Qeverisë së Kosovës, njohjen e Republikës së Kosovës nga ky shtet, nota verbale konfirmon këtë akt të rëndësishëm për shtetin e Kosovës.

Në letrën që ministri i Punëve të Jashtme dhe Bashkëpunimit Ndërkombëtar i Fixhit, Inoke Kubuabola, i ka dërguar ministrit Hoxhaj, konfirmohet vendimi zyrtar i Qeverisë së Republikës së Fixhit për njohjen formale të pavarësisë së Kosovës.

“Dëshiroj të ju njoftoj se me këtë njohje formale, Fixhi shpreh gatishmërinë që të procedohet vendosja formale e marrëdhënieve diplomatike ndërmjet dy shteteve tona”, thuhet në letrën e ministrit Kubuabola, dërguar ministrit Hoxhaj.

Në letër po ashtu shprehet vullneti i Qeverisë së Fixhit, që pas njohjes formale të pavarësisë së Kosovës, të thellohet bashkëpunimi si dhe shkëmbimet e përvojave në forumet ndërkombëtare ndërmjet dy shteteve tona.

Ministri i Punëve të Jashtme i Kosovës, Enver Hoxhaj, gjatë këtij viti ka pasur kontakte të shpeshta dhe takime direkte me liderët e këtij shteti.

Në muajin gusht, në kuadër të vizitave lobuese në Oqeani, Hoxhaj ka zhvilluar edhe një vizitë në Republikën e Fixhit, ku ka zhvilluar takime me homologun Inoke Kubuabola dhe kryeministrin e Fixhit, duke kërkuar vendosjen e marrëdhënieve diplomatike ndërmjet dy shteteve.

Po ashtu, në shtator, gjatë pjesëmarrjes në takimin  Asamblesë së Përgjithshme të OKB-së, ministri Hoxhaj ka zhvilluar edhe një takim tjetër me homologun nga Fixhi, ku kishte marrë përkrahjen e këtij shteti për shtetin e Kosovës.

Republika e Fixhit shtrihet në pjesën jugore të Oqeanit Paqësor, ka kryeqytet Suvan dhe një popullsi prej mbi 800 mijë banorë.

Fixhi është shtet anëtar i Kombeve të Bashkuara nga tetori i vitit 1970.

Prapa

Stay Connected with MFA

Hoxhaj takim lamtumirës me Fulen, falënderim për MSA-në dhe mbështetjen për anëtarësimin në organizata (VIDEO)

24.10.2014

Bruksel, 24 tetor 2014 – Ministri i Jashtëm i Kosovës, Enver Hoxhaj, po qëndron në Bruksel pas vizitës në Beograd, ku ka takuar gjatë ditës së premte Komisionerin për Zgjerim, Stefan Fule, i cili e përfundon mandatin e tij në fund...më shumë

Gjermania dhe Franca nominojnë bashkërisht Selimin

24.10.2014

Prishtinë, 24 tetor 2014 - Ambasada e Republikës Federale të Gjermanisë dhe Ambasada e Republikës së Francës kanë nominuar bashkërisht zëvendësministrin e Jashtëm të Kosovës, Petrit Selimi, për programin e festimit të...më shumë