Regjistrohu për info

Arkivi

Korrik 2015
H Ma E P Sh D
12345
6789101112
13141516171819
20212223242526
2728293031

Austria partner i fuqishëm politik dhe evropian i Kosovës

Prishtinë, 20 nëntor 2012 – Ministri i Punëve të Jashtme i Republikës së Kosovës, Enver Hoxhaj, gjatë vizitës zyrtare në Austri, është takuar me zëvendëskancelarin, njëkohësisht ministër Federal për Çështje Evropiane dhe Ndërkombëtare i Austrisë, Michael Spindelegger.
Shkarko me rezolucion më të madhShkarko me rezolucion më të madh

Gjatë takimit, dy ministrat kanë biseduar për thellimin e bashkëpunimit bilateral ndërmjet dy vendeve në të gjitha fushat, me theks të veçantë në aspektin ekonomik, tregtar, arsimorë e kulturorë si dhe për mundësinë e nënshkrimit të disa marrëveshjeve bilaterale të rëndësishme ndërmjet Kosovës dhe Austrisë.

Ministri Hoxhaj dhe zëvendëskancelari Spindelegger gjatë bisedës janë fokusuar në agjendën e integrimeve evropiane të Kosovës dhe format se si Austria do ta ndihmojë Kosovën në nënshkrimin e marrëveshjes së Stabilizim-Asocimit.

“Ky do të ishte hap vendimtar për Kosovën në rrugën e integrimeve evropiane, pasi që paraqet marrëdhënien e parë kontraktuale ndërmjet BE-së dhe Kosovës. Pastaj, për procesin e liberalizimin e vizave, proces i cili është shumë i rëndësishëm për qytetarët e Kosovës, meqë ata janë të vetmit që janë të izoluar nga një proces i tillë”, ka thënë Hoxhaj, duke shprehur besimin se Komisioni Evropian do ta vlerësojë progresin në fushën e liberalizimit të vizave.

Hoxhaj dhe Spindelegger po ashtu kanë shkëmbyer pikëpamjet e dy shteteve për procesin e normalizimit të relacioneve ndërmjet Republikës së Kosovës dhe Serbisë.

Në këtë pikë, ministri i Jashtëm i Kosovës ka thënë se ky proces duhet t’i shpërbëjë plotësisht strukturat e policisë dhe sigurisë serbe në veri, deri te anëtarësimi i plotë i Kosovës në Kombet e Bashkuara.

Në anën tjetër, zëvendëskancelari, njëkohësisht ministër Federal për Çështje Evropiane dhe Ndërkombëtare i Austrisë, Michael Spindelegger, ka thënë se Austria është një partner i fuqishëm politik, ekonomik dhe evropian i Kosovës, e cila do ta mbështesë Kosovën edhe përmes thellimit të bashkëpunimit bilateral edhe përmes agjendës evropiane.

“Austria angazhohet që të gjitha vendet e rajonit të integrohen në BE, duke përfshirë edhe Kosovën’, ka thënë ndër të tjera, Michael Spindelegger.

Prapa

Stay Connected with MFA

Selimi për “Danas”: “Do të kërkojmë anëtarësimin edhe në organizata të tjera”

23.07.2015

Prishtinë, Beograd, 23 korrik 2015 - Zëvendësministri i Punëve të Jashtme të Republikës së Kosovës, Petrit Selimi, ka dhënë një intervistë për të përditshmen beogradaase “Danas”, ku është shprehur se...më shumë

Takim koordinues ndërinstitucional në mes MPJ, MPB dhe Policisë së Kosovës për fluksin e refugjatëve nga Lindja e Mesme dhe Afrika Veriore që ka kapluar Evropën

22.07.2015

Prishtinë, 22 korrik 2015 - Me kërkesë të Ministrisë së Punëve të Jashtme të Republikës së Kosovës, sot është mbajtur një takim koordinues ndërinstitucional ndërmjet Sekretarit të Përgjithshëm të...më shumë