Na ndiqni në:

Hoxhaj kërkon njohjen e Kosovës nga Sudani dhe nga Pakistani

Xhibuti, 17 nëntor 2012 - Ministri i Punëve të Jashtme i Republikës së Kosovës, Enver Hoxhaj, gjatë pjesëmarrjes në takimin e Këshillit të Ministrave të Jashtëm të Organizatës së Bashkëpunimit Islamik (OBI), ka zhvilluar takime të ndara me ministren e Punëve të Jashtme të Pakistanit, Hina Rabbani Khar, dhe ministrin e Punëve të Jashtme të Sudanit, Ali Ahmed Karti.

Gjatë takimeve, ministri Hoxhaj ka kërkuar njohjen e Kosovës nga Pakistani dhe Sudani.

Ministrja e Jashtme e Pakistanit, gjatë bisedës me ministrin Hoxhaj ka thënë se Pakistani do ta shqyrtojë kërkesën e Kosovës për njohje duke shprehur interesimin e shtetit të saj për thellim të bashkëpunimit.

“Përtej bashkëpunimit politik, ne jemi të interesuar që të kemi bashkëpunim ekonomik dhe në të gjitha fushat tjera”, u shpreh Hina Rabbani Khar.

Ndërsa, Ministri i Jashtëm i Sudanit, gjatë takimit ka thënë se do të përcjell te autoritetet e shtetit të tij kërkesën e ministrit Hoxhaj për njohjen e Kosovës nga ky shtet.

“Ne po përcjellim me vëmendje progresin që po bën Kosova”, theksoi Ali Ahmed Karti.

Në anën tjetër, ministri i Punëve të Jashtme i Republikës së Kosovës, Enver Hoxhaj, ka njoftuar dy ministrat e jashtëm për progresin që po arrihet në Kosovë në të gjitha fushat.

Hoxhaj ka kërkuar nga homologët e Pakistanit dhe Sudanit që shtetet e tyre t’i bashkohen pothuajse gjysmës së shteteve anëtare të Kombeve të Bashkuara, të cilat tashmë e kanë njohur Kosovën.

“Vendimi i juaj për të njohur Republikën e Kosovës do të ishte mirënjohje dhe respekt për kauzën tonë të drejtë për liri dhe pavarësi. Kosova e pavarur është kontribuues i fuqishëm i paqes dhe stabilitetit në Evropë dhe jemi një shtet i cili me një dinamikë të madhe po integrohet në sistemin ndërkombëtar”, ka thënë ndër të tjera ministri Hoxhaj, gjatë takimeve të ndara me dy ministrat e jashtëm.

MPJ mbështet kampionatin Prishtina dhe Parisi në Festën e MuzikësMPJ po përcjell me shqetësim zhvillimet në Stamboll, vendos një numër telefoni në dispozicion të qytetarëve të KosovësMinistri Hoxhaj priti në takim lamtumirës të dërguarin e posaçëm gjerman për Ballkanin, Ernst ReichelHoxhaj takoi ambasadorin austriak, në agjendë - koordinimi për organizatat ndërkombëtare