Regjistrohu për info

Arkivi

Dhjetor 2014
H Ma E P Sh D
1234567
891011121314
15161718192021
22232425262728
293031

Hoxhaj merr përkrahjen e OBI-t për rritjen e numrit të njohjeve për Kosovën

Xhibuti, 16 nëntor 2012 – Ministri i Punëve të Jashtme i Republikës së Kosovës, Enver Hoxhaj, gjatë pjesëmarrjes në takimin e Këshillit të Ministrave të Jashtëm të Organizatës së Bashkëpunimit Islamik (OBI), ka zhvilluar një takim të veçantë me sekretarin e përgjithshëm të OBI-t, Ekmeleddin Ihsanoglu.
Shkarko me rezolucion më të madhShkarko me rezolucion më të madh

Pasi e ka falënderuar për ftesën për këtë takim të rëndësishëm, si dhe për përkrahjen e vazhdueshme për Kosovën, Ministri Hoxhaj e ka informuar sekretarin Ihsanoglu, për progresin që ka arritur Kosova, duke veçuar përmbylljen e mbikëqyrjes ndërkombëtare të pavarësisë.

Hoxhaj ka kërkuar mbështetjen e tij dhe të organizatës për bashkëpunim më të ngushtë, duke theksuar nevojën që ka Kosova për njohje sa më të shpejtë nga të gjitha shtetet anëtare të OBI-t.

“Pas pesë vjetëve,  Kosova e pavarur ka kontribuar fuqishëm për paqen e stabilitetin në rajon dhe më gjerë, andaj është koha e fundit që të gjitha shtetet anëtare të Organizatës për Bashkëpunim islamik ta njohin pavarësinë e Kosovës”, ka thënë Hoxhaj.

Në anën tjetër, sekretari i përgjithshëm i Organizatës së Bashkëpunimit Islamik, Ekmeleddin Ihsanoglu, ka vlerësuar lart progresin e arritur në Kosovë, duke shprehur përkrahjen e mëtutjeshme për fuqizimin e subjektivitetit ndërkombëtar të Republikës së Kosovës.

Ministri i Punëve të Jashtme i Kosovës, Enver Hoxhaj, gjatë ditës, ka zhvilluar një takim zyrtar bilateral edhe me ministrin e Punëve të Jashtme të Xhibutit, Mahmoud Ali Jusuf.

Ministrat Hoxhaj dhe Jusuf kanë biseduar për forcimin e bashkëpunimit bilateral ndërmjet dy shteteve, në shumë fusha.

Dy ministrat po ashtu janë pajtuar që deri në fund të këtij viti të vendosen marrëdhëniet diplomatike ndërmjet Kosovës dhe Xhibutit dhe që të avancohet bashkëpunimi i gjithanshëm ndërmjet popujve dhe qeverive të të dyja vendeve.

Ministri i Punëve të Jashtme i Xhibutit, Mahmoud Ali Jusuf, i cili ka udhëhequr takimin e Këshillit të Ministrave të Punëve të Jashtme të OBI-t, me ftesë të ministrit Hoxhaj, vitin e ardhshëm do të vizitoj Republikën e Kosovës.

Prapa

Stay Connected with MFA

Zëvendëskryeministri Thaçi takoi në Bruksel shefen e Politikës së Jashtme, Mogherini dhe Komisionarin për Zgjerim, Hahn

18.12.2014

Bruksel, 18 dhjetor 2014 - Zëvendëskryeministri i parë dhe Ministri i Punëve të Jashtme i Republikës së Kosovës, Hashim Thaçi, gjatë vizitës që po zhvillon në Bruksel, është takuar të enjten me...më shumë

Zëvendëskryeministri Thaçi u takua me Komisionerin për Politikën e Fqinjësisë dhe Negociatat e Zgjerimit, Hahn

18.12.2014

Bruksel, 18 dhjetor 2014 - Zëvendëskryeministri i parë dhe Ministri i Punëve të Jashtme i Republikës së Kosovës, Hashim Thaçi, gjatë vizitës që po zhvillon në Bruksel, është takuar edhe me Johannes Hahn, Komisioner për...më shumë