Na ndiqni në:

Zëvendësministri Selimi priti ambasadorin e Australisë, jorezident në Kosovë, David Stuart

Prishtinë, 16 nëntor 2012 – Zëvendësministri i Punëve të Jashtme i Republikës së Kosovës, Petrit Selimi, priti sot në takim ambasadorin e Australisë, jorezident në Republikën e Kosovës, David Stuart, i cili i dorëzoi kopjet e letrave kredenciale në MPJ të Kosovës.

Zëvendësministri Selimi njoftoi ambasadorin Stuart për progresin që po zhvillohet në Kosovë, fuqizimin e subjektivitetit ndërkombëtar dhe hapat konkretë të Kosovës në proceset integruese në mekanizmat euroatlantik.

Selimi falënderoi ambasadorin për përkrahjen e fuqishme që ka dhënë Australia për Kosovën në të gjitha fazat, duke theksuar angazhimin e Kosovës për fuqizimin e bashkëpunimit ndërmjet dy popujve dhe qeverive, në të gjitha sferat.

Ambasadori i Australisë, jorezident në Republikën e Kosovës, David Stuart, vlerësoi lart progresin që po arrin Kosova, duke theksuar mbështetjen e mëtutjeshme të Qeverisë së Australisë për Kosovën, me theks të veçantë në kuadër të Kombeve të Bashkuara.

Selimi dhe Stuart kanë diskutuar edhe për forcimin e bashkëpunimit bilateral, në veçanti në fushën e bashkëpunimit ekonomik në sektorin e energjisë dhe minierave.

Zv. Kryeministri dhe Ministri i Jashtëm Pacolli në takimin e vendeve të Kartës së Adriatikut: Kosova duhet të bëhet anëtare e plotëZëvendëskryeministri i parë dhe Ministri i punëve të Jashtme, z. Behgjet Pacolli takoi ambasadorin e Republikës së Maqedonisë dhe të Zvicrës Takimet e Zv/Kryeministrit të parë dhe Ministrit të Jashtëm, z. Behgjet Pacolli në Asamblenë e Përgjithshme të OKB-sëAgjenda e vizitës së nesërme të Zëvendëskryeministrit të Parë dhe Ministrit të Punëve të Jashtme të Kosovës, z.Behgjet Pacolli në Malin e Zi