Regjistrohu për info

Arkivi

Mars 2015
H Ma E P Sh D
1
2345678
9101112131415
16171819202122
23242526272829
3031

Ministri Hoxhaj në takimin e Këshillit të Ministrave të Jashtëm të Organizatës së Bashkëpunimit Islamik

Xhibuti, 15 nëntor 2012 – Ministri i Punëve të Jashtme i Republikës së Kosovës, Enver Hoxhaj, po merr pjesë në Sesionin e 39-të të Këshillit të Ministrave të Jashtëm, të Organizatës së Bashkëpunimit Islamik (OBI).
Shkarko me rezolucion më të madh

Ministri Hoxhaj, në Xhibuti ka shkuar me ftesë të Sekretarit të Përgjithshëm të OBI-t, Ekmeledin Ihsanoglu, si dhe me ftesë të ministrit të Punëve të Jashtme të Xhibutit, Mahmoud Ali Jusuf, i cili udhëheq këtë sesion të Këshillit.

Vizita e ministrit Hoxhaj në Xhibuti, ka rëndësi të veçantë për shkak të rolit të rëndësishëm të OBI-t në mesin e 57 shteteve anëtare të saj si dhe faktit se ministri Hoxhaj është i ftuar zyrtarisht, për herë të parë, që të marrë pjesë në punimet e Këshillit të Ministrave të Jashtëm të saj.

Po ashtu, vlen të theksohet fakti se pas angazhimit të fuqishëm të ministrit Hoxhaj dhe të kontakteve të shpeshta me udhëheqësit e OBI-t, Kosova do të jetë temë e veçantë e paraparë në rendin e ditës të këtij sesioni të Këshillit të Ministrave të Jashtëm të organizatës.

Ministri Hoxhaj, gjatë pjesëmarrjes në punimet e OBI-t, përveç takimeve me udhëheqësit e organizatës dhe ministrin e Jashtëm të Xhibutit, do të ketë mundësi të takohet me dhjetëra liderë të shteteve anëtare të kësaj organizate, disa prej të cilave ende nuk e kanë njohur Republikën e Kosovës.

Organizata për Bashkëpunim Islamik me 57 vende anëtare, është organizata e dytë më e madhe në botë për nga anëtarësia, pas Organizatës së Kombeve të Bashkuara.

Më herët, Organizata e Bashkëpunimit Islamik, ka nxjerrë disa rezoluta për Kosovën, ndër të cilat edhe një rezolutë ku i bëhej thirrje vendeve anëtare që të marrin në konsideratë njohjen e shtetit të pavarur dhe sovran të Kosovës.

Qasja e OBI-t ndaj Kosovës, konsiderohet se ka pasur ndikim të rëndësishëm në evoluimin e qëndrimeve politike të shteteve anëtare, në funksion të njohjes së Republikës së Kosovës.

Nga 57 shtete anëtare të OBI-t, Kosova është njohur nga 30 prej tyre, ndërsa në të ardhmen e afërt pritet rritja e numrit të njohjeve nga shtetet anëtare të kësaj organizate. 

Prapa

Stay Connected with MFA

MPJ dhe MD memorandum bashkëpunimi për ndarjen e shpenzimeve

26.03.2015

Prishtinë, 26 mars 2015 – Ministria e Punëve të Jashtme (MPJ) dhe Ministria e Diasporës (MD) së Republikës së Kosovës kanë nënshkruar sot një memorandum bashkëpunimi për shfrytëzimin e objektit të përbashkët...më shumë

Thaçi në konferencën “Western Balkans’ 6”: Komunikimi mes njerëzve shemb muret mes popujve të Ballkanit

25.03.2015

Prishtinë, 25 mars 2015 – Republika e Kosovës ishte nikoqire e konferencës sotme rajonale “Western Balkans’ 6” që mblodhi 12 ministra të jashtëm dhe të transportit të shteteve të rajonit si dhe komisionerin e BE-së për...më shumë