Regjistrohu për info

Arkivi

Tetor 2014
H Ma E P Sh D
12345
6789101112
13141516171819
20212223242526
2728293031

Odile Perrot, Konsulle e Nderit e Republikës së Kosovës në Toulouse

Prishtinë, 11 nëntor 2012 – Autoritetet e Republikës Franceze kanë dhënë pajtimin për vendimin e Ministrisë së Punëve të Jashtme të Republikës së Kosovës, për emërimin e Zonjës Odile Perrot, Konsulle Nderi të Republikës së Kosovës në qytetin Toulouse, të Francës.

Odile Perrot, doktore e shkencave politike, konsiderohet specialiste e Kosovës dhe gjatë karrierës së saj ka realizuar në Kosovë një mision pune në cilësinë e “Democratization Officer” në OSBE në vitet e 2000.

Aktivitetet e saj shkencore i  përkushtohen studimit të procesit të demokratizimit në Ballkan.

Perrot ka publikuar artikuj të shumtë për Kosovën dhe është ftuar në konferenca të shumta në Francë si dhe emisione mediatike franceze rreth Kosovës.

Perrot është anëtare e “Rrjetit Frankofon të hulumtimeve mbi misionet e paqes” - Universiteti i Montrealit, drejtore e “Kronikës politike dhe kushtetuese të vendeve post-komuniste të hapësirës Ballkanike” e Revistës Est-Europa si dhe anëtare e “Komitetit të Kosovës” në Paris.

Finalizimi i procesit të emërimit të Odile Perrot në cilësinë e Konsulles së Nderit të Kosovës në Toulouse është një hap i rëndësishëm në fuqizimin e mëtutjeshëm të marrëdhënieve shumë të mira bilaterale ndërmjet Republikës së Kosovës dhe Republikës Franceze.

Angazhimi dhe përkushtimi i Zonjës Perrot pritet të ketë impakte të rëndësishme në thellimin e bashkëpunimit e të shkëmbimeve të gjithanshme ndërmjet dy vendeve dhe dy popujve tanë.

Emërimi i personaliteteve të shquara ndërkombëtare në pozitën e konsujve të nderit në vende të ndryshme mike të Kosovës nëpër botë, është hap në kuadër të orientimeve strategjike të politikës së jashtme të Kosovës, për të shtuar prezencën në sa më shumë vende të botës, me qëllim të fuqizimit të vazhdueshëm të subjektivitetit ndërkombëtar të Republikës së Kosovës dhe dinamizimit të diplomacisë kosovare.

Prapa

Stay Connected with MFA

Hoxhaj në shënimin e Ditës së Boshnjakëve, Kosova e të gjithëve dhe për të gjithë

28.09.2014

Prizren, 28 shtator 2014 - Ministri i Punëve të Jashtme i Kosovës, Enver Hoxhaj, ka qëndruar në Prizren ku ka marrë pjesë në shënimin e Ditës së Boshnjakëve të Kosovës. më shumë

Hoxhaj takon shefin e Zyrës së Këshillit të Evropës, Kosova plotëson kushtet për anëtarësim në këtë organizatë

27.09.2014

Prishtinë, 27 shtator 2014 - Ministri i Punëve të Jashtme i Kosovës, Enver Hoxhaj, ka takuar shefin e Zyrës së Këshillit të Evropës në Prishtinë, Tim Cartwright, me të cilin kanë bashkëbiseduar për nevojën e thellimit...më shumë