Na ndiqni në:

Ministri Hoxhaj priti Konsullin e Nderit të Kosovës në Bursë, Fahrettin Gülener

Prishtinë, 8 nëntor 2012 – Ministri i Punëve të Jashtme i Republikës së Kosovës, Enver Hoxhaj, ka pritur në takim një delegacion të udhëhequr nga Konsulli i Nderit i Republikës së Kosovës në Bursë, Fahrettin Gülener.

Ministri Hoxhaj ka njoftuar delegacionin e Komunës së Bursës për progresin në Kosovë, forcimin e gjithanshëm të shtetësisë dhe perspektivën e fuqishme euro-integruese të Kosovës.

Gjatë takimit, Hoxhaj, ka shprehur mirënjohjen e qytetarëve dhe Qeverisë së Kosovës për ndihmën e vazhdueshme të Turqisë, duke kërkuar vazhdimin e mbështetjes në fusha të ndryshme, veçanërisht në zhvillimin ekonomik të Kosovës.

Ministri Hoxhaj shprehu vullnetin e Qeverisë së Kosovës për fuqizimin e mëtutjeshëm të marrëdhënieve bilaterale ndërmjet dy shteteve, duke shprehur bindjen se në këtë drejtim një ndihmë të madhe do të japë edhe Konsulli i Nderit i Kosovës, Fahrettin Gülener.

Në anën tjetër, Konsulli i Nderit i Republikës së Kosovës në Bursë, Fahrettin Gülener, vlerësoi lartë progresin e madh që po ndodhë në Kosovë në vazhdimësi, duke shprehur vullnetin e tij për të kontribuuar në fuqizimin e gjithanshëm të marrëdhënieve dhe shkëmbimeve ndërmjet dy shteteve dhe qytetarëve të Kosovës dhe Turqisë.

Zëvendës ministrja Vuniqi kërkon mbështetjen e Luksemburgut për liberalizimin e vizave për Kosovën, konfirmon përmbushjen e kritereveMinistri i Jashtëm Pacolli prezanton prioritetet dhe sfidat e Politikës së Jashtme të Kosovës në tryezën e diskutimit të organizuar nga Instituti i Prishtinës për Studime PolitikeVijon vizita e ministrit të jashtëm të Kosovës në Sofje: takim me shefen e Komisionit të Politikës së jashtme të Kuvendit të Bullgarisë dhe pjesëmarrje në Forumin e Odave të Tregtisë dhe Industrisë së dy vendeveMinistri i Jashtëm Pacolli dënon sulmin në Kanada, ku humbën jetën 10 dhe u plagosën 15 persona