Regjistrohu për info

Arkivi

Tetor 2014
H Ma E P Sh D
12345
6789101112
13141516171819
20212223242526
2728293031

Ministri Hoxhaj priti Ndihmës-Presidenten e Egjiptit, Pakinam Hassan Khalil El Sharkawy

Prishtinë, 7 nëntor 2012 – Ministri i Punëve të Jashtme i Republikës së Kosovës, Enver Hoxhaj, zhvilloi sot një takim me Ndihmës-Presidenten e Republikës Arabe të Egjiptit, Pakinam Hassan Khalil El Sharkawy.
Shkarko me rezolucion më të madh

Ministri Hoxhaj e njoftoi Ndihmës-Presidenten egjiptiane për progresin e vazhdueshëm në Republikën e Kosovës, me theks të veçantë për fuqizimin e shtetësisë dhe subjektivitetit ndërkombëtar.

Hoxhaj shprehu përkrahjen e qytetarëve dhe Qeverisë së Republikës së Kosovës për përpjekjet e popullit egjiptian për transformimin politik e shoqëror që ka ndodhur vitet e fundit, duke përshëndetur ndryshimet që po ndodhin në Egjipt, pas revolucionit.

Ministri Hoxhaj duke folur për miqësinë e kamotshme ndërmjet dy popujve tanë, vlerësoi shkëmbimet që po zhvillohen ndërmjet dy vendeve, duke theksuar se Republika e Kosovës pret njohjen nga Egjipti.

Në këtë kontekst, Hoxhaj tha se njohja nga Egjipti do të ketë rol të rëndësishëm për fuqizimin e mëtejshëm të subjektivitetit ndërkombëtar të Kosovës dhe do të ishte një hap i cili do të rriste e fuqizonte edhe më shumë marrëdhëniet bilaterale ndërmjet dy popujve dhe shteteve tona.

Në anën tjetër, Ndihmës-Presidentja e Republikës Arabe të Egjiptit, Pakinam Hassan Khalil El Sharkawy, foli për zhvillimet në Egjipt në periudhën e formimit të institucioneve dhe ndryshimeve të gjithëmbarshme.

Ajo theksoi se rrethanat dhe qasja e re e Egjiptit do të kenë efekte edhe në raportin e këtij shteti me rajonin e Ballkanit dhe Kosovën.

Pakinam Hassan Khalil El Sharkawy shfaqi shpresën se pavarësia e Kosovës do të njihet së shpejti nga ana e Egjiptit.

Prapa

Stay Connected with MFA

Hoxhaj takim lamtumirës me Fulen, falënderim për MSA-në dhe mbështetjen për anëtarësimin në organizata (VIDEO)

24.10.2014

Bruksel, 24 tetor 2014 – Ministri i Jashtëm i Kosovës, Enver Hoxhaj, po qëndron në Bruksel pas vizitës në Beograd, ku ka takuar gjatë ditës së premte Komisionerin për Zgjerim, Stefan Fule, i cili e përfundon mandatin e tij në fund...më shumë

Gjermania dhe Franca nominojnë bashkërisht Selimin

24.10.2014

Prishtinë, 24 tetor 2014 - Ambasada e Republikës Federale të Gjermanisë dhe Ambasada e Republikës së Francës kanë nominuar bashkërisht zëvendësministrin e Jashtëm të Kosovës, Petrit Selimi, për programin e festimit të...më shumë