Na ndiqni në:

Ministri Hoxhaj merr pjesë në konferencën “Miqtë e popullit sirian” në Paris

Paris, 5 korrik 2012 – Ministri i Punëve të Jashtme i Republikës së Kosovës, Enver Hoxhaj, ka udhëtuar sot në Paris, me ftesë të ministrit të Punëve të Jashtme të Francës, Laurent Fabius.

Gjatë qëndrimit dy ditor në Francë, ministri Hoxhaj do të marrë pjesë në konferencën “Miqtë e popullit sirian”.

Në këtë konferencë do të marrin pjesë mbi 100 delegacione të shteteve të botës, në mesin e të cilëve do të jetë edhe Republika e Kosovës, e përfaqësuar nga ministri Hoxhaj.

Qeveria e Republikës së Kosovës që nga fillimi i “pranverës arabe” ka mbështetur tranzicionin demokratik dhe largimin e regjimeve autoritare si dhe aspiratat e popujve për dinjitet njerëzor, të drejta të njeriut dhe për demokraci në të gjitha vendet: Tunizi, Egjipt, Libi dhe Siri.

Ministri i Jashtëm i Kosovës, Enver Hoxhaj, menjëherë pas tranzicionit demokratik ka vizituar Egjiptin si dhe në Prishtinë ka pranuar përfaqësues të opozitës së Sirisë, duke ofruar mbështetje publike për kauzën e tyre.

Konferenca “Miqtë e popullit sirian”, do të zgjasë dy ditë, ndërsa ministri Hoxhaj gjatë qëndrimit në Paris, do të takojë shumë liderë botërorë.

Zëvendës ministrja Vuniqi në Forumin Ekonomik në Luksemburg, fton bizneset të investojnë në KosovëMinistri i Jashtëm Pacolli dënon sulmin vetëvrasës në Kabul që raportohet se mori jetën e më shumë se 31 personaveMinistri i Jashtëm Pacolli dënon sulmin në Kanada, ku humbën jetën 10 dhe u plagosën 15 personaTakim i suksesshëm midis dy ministrave të jashtëm dhe zëvendëskryeministrave të Bullgarisë dhe Kosovës, Zaharieva dhe Pacolli në Sofje