Ambasadori Lulzim Peci ia dorëzoi letrat kredenciale Presidentit të Finlandës

Shkarko me rezolucion më të madh

Ambasadori Peci i përcolli Presidentit Niinisto përshëndetjet e Presidentes së Republikës së Kosovës znj. Atifete Jahjaga dhe dëshirën e saj për forcimin e mëtejshëm të marrëdhënieve të shkëlqyera në mes të dy vendeve. Ambasadori Peci e falenderoi Presidentin Niinins për përkrahjen e gjithanshme që Finlanda i ka dhënë Kosovës, dhe theksoi se marrëdhëniet në mes të  dy vendeve janë prioritet i lartë i politikës së jashtme të Kosovës. Në vazhdim, ai e informoi Presidentin Niinisto për progresin e gjithëmbarshëm të arritur në Kosovë dhe sfidat në lidhje me marrëdhëniet me Serbinë.

Presidenti Niniisto i përcolli përshëndetjet e tij për Presidenten Jahjaga dhe theksoi se Kosova ka vend të veçantë në zemrat e finlandezëve. Ai i cilësoi marrëdhëniet në mes dy vendeve si të karakterit të veçantë, dhe e siguroi Ambasadorin Peci se Finlanda do të vazhdojë të përkrahë fuqimisht Kosovën.

Ambasadori Peci, në fund të audiencës, u falenderua për përkrahjen e Presidentit Niinisto dhe shprehu përkushtimin e tij në përforcimin e mëtejshëm të marrëdhënieve të shkëlqyera në mes dy vendeve me një miqësi tanimë të rrënjosur.

Me aktin e dorëzimit të letrave kredenciale Presidentit Niinisto,  Ambasada e Republikës së Kosovës në Stockholm e mbulon Republikën e Finlandës si mision diplomatik jorezident i akredituar në Helsinki.