Ministri Hoxhaj telegram ngushëllimi homologut italian pas tërmetit që ka goditur Italinë
Prishtinë, 21 maj 2012 - Ministri i Punëve të Jashtme i Republikës së Kosovës, Enver Hoxhaj i ka dërguar një telegram ngushëllimi Ministrit të Punëve të Jashtme të Italisë, Giulio Terzi, pas tërmetit që ka goditur Italinë, të dielën.
Prapa
Në telegram, Ministri Hoxhaj ka shprehur dhimbjen e thellë të Qeverisë dhe popullit të Republikës së Kosovës, për viktimat dhe të lënduarit e tërmetit të fuqishëm që ka goditur regjionin e Emilia-Romagnas.
“Në këto ditë të vështira, më lejoni që në emër të institucioneve dhe qytetarëve të Kosovës të shpreh ngushëllimet tona të sinqerta për ju dhe familjet e viktimave dhe të lutemi për shërim të shpejtë për të lënduarit”, thuhet në telegram.
Tërmeti me intensitet prej 6 shkallë të Rihterit goditi Italinë në mes të natës së të dielës, rreth 35 kilometra në veri të qytetit të Bolonjës, në regjionin e Emilia-Romagnas, duke vrarë shtatë njerëz dhe lënduar së paku pesëdhjetë të tjerë.
Stay Connected with MFA