Na ndiqni në:

Ministri Hoxhaj telegram ngushëllimi homologut Haxhinasto pas aksidentit të rëndë që ka ndodhur në afërsi të Himarës

Prishtinë, 21 maj 2012 - Ministri i Punëve të Jashtme i Republikës së Kosovës, Enver Hoxhaj, përmes një telegrami ngushëllimi dërguar Ministrit të Punëve të Jashtme të Shqipërisë, Edmond Haxhinasto, ka shprehur tronditjen e thellë të Qeverisë dhe qytetarëve të Kosovës, pas ngjarjes tragjike që ka ndodhur në Himarë, ku kanë gjetur vdekjen një numër i të rinjve dhe shumë të tjerë janë plagosur.

“Në këto qaste të rënda, ne i bashkohemi pikëllimit dhe dhimbjes së familjeve që kanë humbur fëmijët e tyre në këtë tragjedi. Populli i Kosovës po ashtu i bashkohet lutjeve për shërim sa më të shpejt të të lënduarve në këtë tragjedi”, thuhet në telegram.

Ministri Hoxhaj ka shprehur solidaritetin dhe gatishmërinë e plotë të Qeverisë së Republikës së Kosovës, për të ndihmuar me çdo mjet dhe në çdo formë autoritetet shqiptare dhe familjet e të aksidentuarve për tejkalimin sa më shpejtë të kësaj situate tragjike.

Një aksident i rëndë rrugor ka ndodhur pasditen e së hënës në aksin Himarë-Sarandë, ku një autobus me rreth 50 studentë në bord ka rënë në humnerë.

Deklaratë për mediaMinistri i Jashtëm Pacolli dënon sulmin vetëvrasës në Kabul që raportohet se mori jetën e më shumë se 31 personaveMinistri i Jashtëm Pacolli dënon sulmin në Kanada, ku humbën jetën 10 dhe u plagosën 15 personaNumri dy i qeverisë dhe Ministri i Jashtëm, Behgjet Pacolli, konfirmon suksesin e Kosovës në kryesimin e radhës së Procesit të Bashkëpunimit të Europës Juglindore pa cilësimet e imponuara nga vende mos njohëse