Ministri Hoxhaj ngushëllon homologen pakistaneze për fatkeqësinë ajrore ku humbën jetën 127 persona
Prishtinë, 21 prill 2012 – Ministri i Punëve të Jashtme i Republikës së Kosovës, Enver Hoxhaj, i ka dërguar një telegram ngushëllimi ministres së Punëve të Jashtme të Pakistanit, Hina Rabbani Khar, pas humbjes tragjike të jetëve të 127 udhëtarëve në fatkeqësinë ajrore që ka ndodhur të premten në afërsi të Islamabadit në Pakistan.
Prapa
Në telegram, ministri Hoxhaj, në emër të qytetarëve dhe institucioneve të Republikës së Kosovës, i ka shprehur ngushëllimet më të sinqerta ministres pakistaneze, duke theksuar dhimbjen dhe pikëllimin e qytetarëve të Kosovës për këtë fatkeqësi.
Ministri i Jashtëm i Kosovës, po ashtu, ka shprehur solidaritetin e plotë të Qeverisë dhe qytetarëve të Kosovës me familjarët e viktimave, Qeverinë dhe popullin pakistanez, në këto ditë të vështira.
Ministri Hoxhaj ka shprehur konsideratat më të larta për autoritetet pakistaneze për përpjekjet që po bëjnë për zbardhjen e faktorëve që shkaktuan këtë aksident tragjik.
Stay Connected with MFA