Ministri Hoxhaj për vizitë zyrtare në Itali
Prishtinë, 28 mars 2012 – Me ftesë të ministrit të Punëve të Jashtme të Republikës së Italisë, Giulio Terzi, ministri i Punëve të Jashtme i Republikës së Kosovës, Enver Hoxhaj, ka udhëtuar për vizitë zyrtare në Romë.
Prapa
Përveç takimit me ministrin e Jashtëm italian Terzi, gjatë qëndrimit në Romë, ministri Hoxhaj do të zhvilloj takime edhe me përfaqësues të tjerë të lartë të institucioneve italiane. Në këto takime, Hoxhaj do të marrë mbështetjen e shtetit italian për perspektivën e qartë integruese të Kosovës si dhe për proceset e tjera në drejtim të forcimit të shtetësisë dhe subjektivitetit ndërkombëtarë të Republikës së Kosovës.
Ministri Hoxhaj, po ashtu do të zhvillojë takime me diplomatë të shteteve të tjera të akredituar në Romë.
Stay Connected with MFA