Doli nga shtypi numri i tretë i periodikut “Kosovo’s New Diplomat”

Shkarko me rezolucion më të madh

Në këtë numër trajtohen tema, ngjarje dhe zhvillime të rëndësishme në politikën e jashtme të Kosovës, si dhe janë pasqyruar qëndrime të bartësve të diplomacisë kosovare dhe ambasadorëve e personaliteteve të ndryshme botërore rreth Kosovës.

Në këtë numër të “Kosovo’s New Diplomat” mund të lexoni :

-    Kosova hyn në fazën e marrëdhënieve multilaterale
-    Arrihet marrëveshja. Serbia vazhdon të bojkotojë takimet. 
-    Pesë pyetje për Ambasadorin Ernst Reichel: “Gjermania dhe Kosova kanë qenë gjithnjë veçanërisht të afërta”,
-    Vështrim nga jashtë, “Marrëveshja në Bruksel, një koncesion i nevojshëm për përforcimin e pavarësisë”, nga Jean d’Aspremont.
-    Shkrim autorial i Zëvendësministrit të Jashtëm, Petrit Selimi dhe Zëvendësministrit të Jashtëm, Ibrahim Gashi, rreth marrëveshjes së fundit të arritur në Bruksel, përkatësisht themelimit të Akademisë Diplomatike të Kosovës.
-    Editorial i Yonatan Touval i botuar në Gazetën prestigjioze izraelite "Haaretz", me titull, "Koha për ta njohur Kosovën",
-    Një reportazh nga fshati Restelicë i Dragashit,
-    Lajme të ndryshme rreth zhvillimeve dhe aktiviteteve në diplomacinë kosovare, si dhe prezantime të tjera nga fusha ekonomike dhe kulturore në Kosovë.

Buletini dymujor “Kosovo's New Diplomat” është një kanal i ri i komunikimit të rregullt ndërmjet MPJ-së dhe qytetarëve të huaj që kontaktojnë ambasadat dhe konsullatat e Republikës së Kosovës, si dhe mysafirët e Ministrisë.

Buletini botohet vetëm në gjuhën angleze, fillimisht në tetë faqe, dhe është prezent në tri formate, si fletushkë e shtypur, PDF format dhe në ueb faqen e MPJ-së.

“Kosovo's New Diplomat” është iniciuar fillimisht si pjesë e projektit “KS TALKS EU” të Këshillit Britanik, të përkrahur nga MPJ dhe Ambasada e Mbretërisë së Bashkuar.