Ministri Hoxhaj ngushëllon homologun polak dhe atë kongolez pas tragjedive që kanë goditur këto dy shtete

Shkarko me rezolucion më të madh

Në një telegram ngushëllimi dërguar Ministrit të Punëve të Jashtme të Republikës së Polonisë, Radoslaw Sikorski, Ministri Hoxhaj ka shprehur keqardhjen e madhe të qytetarëve dhe Qeverisë së Kosovës për fatkeqësinë që ka ndodhur pas përplasjes së trenave të shtunën e kaluar në Poloni.

“Në këto ditë të vështira, më lejoni që në emër të Qeverisë dhe popullit të Kosovës të shpreh ngushëllimet e sinqerta për Ju dhe familjet e viktimave”, ka thënë Ministri Hoxhaj në telegramin e ngushëllimit, ku ka shprehur respektin dhe konsideratat më të larta për homologun polak, Sikorski.

Ndërsa, në telegramin e ngushëllimit të dërguar Ministrit të Punëve të Jashtme dhe Kooperimit të Republikës së Kongos, Basile Ikouebe, Ministri Hoxhaj ka shprehur keqardhjen e Qeverisë dhe qytetarëve të Kosovës pas tragjedisë që ka ndodhur nga shpërthimi që ka ndodhur me 4 Mars në Kongo.

Ministri Hoxhaj, ka shprehur ngushëllimet më të sinqerta për Qeverinë dhe qytetartët e Kongos në këto ditë të vështira, duke shprehur solidarizimin e qytetarëve të Kosovës me popullin e Kongos.