Doli nga shtypi numri i dytë i periodikut “Kosovo’s New Diplomat”

Në këtë numër trajtohen tema, ngjarje dhe zhvillime të rëndësishme në politikën e jashtme të Kosovës, si dhe janë pasqyruar qëndrime të bartësve të diplomacisë kosovare dhe ambasadorëve e personaliteteve të ndryshme botërore rreth Kosovës.

Në këtë numër të “Kosovo’s New Diplomat” mund të lexoni :

-    BE-ja lanson dialogun e vizave me Kosovën,
-    Një fjalë nga Ministri Enver Hoxhaj: “Viti 2011 në rishikim”,
-    Pesë pyetje për Ambasadorin Ian Cliff: “Mbretëria e Bashkuara është një prej përkrahësve më të fuqishëm të Kosovës”,
-    Ekstrakt nga memoaret e ish-Presidentit historik të Republikës Çeke, Vaclav Havel: “Pse e kam mbështetur çlirimin e Kosovës”,
-    Shkrim autorial i Zëvendësministrit të jashtëm, Petrit Selimi: “Shërbimi i Jashtëm i Kosovës po rritet dhe avancohet”,
-    Lajme të ndryshme rreth zhvillimeve  dhe aktiviteteve në diplomacinë kosovare, si dhe prezantime të tjera nga fusha ekonomike dhe kulturore në Kosovë.

Buletini dymujor “Kosovo\'s New Diplomat” është një kanal i ri i komunikimit të rregullt ndërmjet MPJ-së dhe qytetarëve të huaj që kontaktojnë ambasadat dhe konsullatat e Republikës së Kosovës, si dhe mysafirët e Ministrisë.

Buletini botohet vetëm në gjuhën angleze, fillimisht në tetë faqe, dhe është prezent në tri formate, si fletushkë e shtypur, PDF format dhe në ueb faqen e MPJ-së.

“Kosovo\'s New Diplomat” është iniciuar fillimisht si pjesë e projektit “KS TALKS EU” të Këshillit Britanik, të përkrahur nga MPJ dhe Ambasada e Mbretërisë së Bashkuar.