Na ndiqni në:

NATO premton ndihmë të mëtejshme për sigurinë e Kosovës

Presidenti i Republikës së Kosovës, Fatmir Sejdiu dhe ministri i Punëve të Jashtme të Kosovës, Skender Hyseni, patën sot një takim miqësor dhe të frytshëm me Sekretarin e Përgjithshëm të NATO-s, Jap De Hop Skefer.

Gjatë këtij takimi, është biseduar për gjendjen e sigurisë në Kosovë, për procesin e njohjes së pavarësisë së Kosovës dhe për rezolutën serbe për Kosovën paraqitur Asamblesë së Përgjithshme të OKB-së.
Presidenti Sejdiu dhe ministri i Jashtëm Hyseni falenderuan Sekretarin e Përgjitshëm të NATO-s për ndihmën që po jep kjo organizatë në fushën e sigurisë në Kosovë, por edhe në rrafshin politik. Ata, po ashtu theksuan nevojën e përmbylljes së procesit të njohjes së Republikës së Kosovës nga shtetet anëtare të NATO-s.
Sa i takon rezolutës serbe për Kosovën, presidenti e ministri i Jashtëm theksuan edhe një herë efektin negativ që do të kishte kjo rezolutë në raportet ndërmjet vendeve të rajonit, si dhe të vetë Kosovës me Serbinë.
Nga ana tjetër, Sekretari i Përgjithshëm i NATO-s premtoi ndihmën e mëtejme të organizatës që drejton ai, për të siguruar ambient të qetë e të sigurt në Kosovë për secilin qytetar të saj. “KFOR-i do të mbetet i përkushtuar që të sigurojë ambient të qetë e të sigurt për secilin qytetar të saj.”, ka theksuar ai. Skefer ka vlerësuar punën e institucioneve të Kosovës në planin e menaxhimt të situatave pas shpalljes së pavarësisë, më 17 shkurt 2008. 

Takim i suksesshëm midis dy ministrave të jashtëm dhe zëvendëskryeministrave të Bullgarisë dhe Kosovës, Zaharieva dhe Pacolli në SofjeFjalimet e Zëvendëskryeministrit dhe ministrit të Jashtëm, z. Behgjet Pacolli, dhe Kryetarit të Bashkisë së Kukësit, z. Bashkim Shehu, me rastin e nderimit të zëvendëskryeministrit të parë dhe ministrit të jashtëm, Behgjet Pacolli me titujt: Qytetar Nderi i Kukësit dhe Nderi i Qarkut KukësZëvendësministri Dedaj: Arbëreshet janë krenaria heroike e Arbërisë!Sqarim për media