Na ndiqni në:

Zëvendëskryeministri Pacolli fton kompaninë e njohur Paul Wurth S.A. për investim në Kosovë

Luksemburg, 8 Qershor 2018 - Në kuadër të vizitës në Luksemburg, Zëvendëskryeministri i Parë dhe Ministri i Punëve të Jashtme, z. Behgjet Pacolli, ka takuar, z. Thomas Hansmann, Drejtor i Teknologjisë dhe anëtar i Bordit Menaxhues i kompanisë, Paul Wurth S.A.




Kompania Wurth vepron në shumë fusha, ndërsa temë kryesore e diskutimit ishte bashkëpunimi në fushën e energjisë. Në prezentimin e tij, z. Hansmann, sqaroi teknologjinë e avancuar dhe standardet, që përdoren nga kompania në fjalë për të prodhuar energji ose ngrohje dhe ftohje nga biomasa dhe mbeturinat.

Kjo teknologji adreson ndotjen dhe emitimin e gazrave CO2 sipas kërkesave të Bashkimit Evropian. Në vazhdim të takimit, Z. Hansmann, ka shprehur interesimin për investim në Kosovë. Nga ana e tij, Zëvendëskryeministri, Pacolli, ka thënë që mbeturinat mbeten problematikë në Kosovë.

Qeveria e Kosovës është duke punuar në zgjidhjen e këtij problemi ka vlerësuar tutje numri dy i Qeverisë dhe do të mirëpriste interesimin e kompanive serioze si ajo Paul Wurth S.A.

Më tej, kryediplomati kosovar, Pacolli, përmendi edhe reformat e bëra për lehtësim të të bërit biznes në Kosovë, jo vetëm për kompanitë vendore, por edhe ato të huaja të interesuara për investime direkte.

Në fund të takimit, Ministri Pacolli ftoi përfaqësuesit e Paul Wurth S.A., që të vizitojnë Kosovën dhe të fillojnë punën për investime.

Ministri i Jashtëm Pacolli emëroi dy anëtarët përfaqësues të Republikës së Kosovës në Komisionin e Venedikut Minisri i Jashtëm Pacolli: Ndryshimi i formatit të raportimit mbi Kosovën në KS të OKB-së është një sukses për Kosovën dhe shtetet aleate dhe partnere të sajMoslejimi i ish-Kryetarit të Akademisë së Shkencave dhe Arteve të Kosovës dhe anëtarit të Akademisë Evropiane të Shkencave dhe të Arteve, z. Hivzi Islami, që të vizitojë familjarët e tij në Preshevë Ministri i Jashtëm Pacolli: Përkrahja e Çekisë tejet e rëndësishme për Kosovën