Na ndiqni në:

Zëvendëskryeministri i parë dhe Ministri i Punëve të Jashtme, z. Behgjet Pacolli takoi Ambasadoren e Kroacisë, vlerësohen marrëdhëniet e shkëlqyera në mes dy vendeve

Zëvendëskryeministri i parë dhe Ministri i Punëve të Jashtme i Republikës së Kosovës, z. Behgjet Pacolli, ka pritur sot në takim, Ambasadoren e Kroacisë në Kosovë, Marija Kapitanović.

Qëllimi parësor i këtij takimi ishte më shumë i karakterit të kortezisë, nëpërmjet, të cilit Ambasadorja Kapitanović i ka përcjellur Zëvendës-Kryeministrit të Parë dhe Ministrit të Jashtëm z. Pacolli urimet e qeverisë kroate me rastin e zgjedhjes dhe pranimit të detyrës së re.

Në vijim të këtij takimi, Ambasadorja kroate ka ri-konfirmuar vazhdimin e përkrahjes së fuqishme të shtetit të saj sa i përket forcimit të subjektivitetit ndërkombëtarë të Kosovës; avancimit të proceseve të integrimit Euro-Atlantike, si dhe anëtarësimit në Organizata rajonale, evropiane dhe Ndërkombëtare.

Nga ana tjetër, Zëvendës-Kryeministri i Parë dhe Ministri I Jashtëm, z. Pacolli fillimisht e ka falënderuar Ambasadoren Kapitanović për mbështetjen konsistente të shtetit dhe popullit kroat ndaj proceseve nëpër të cilat ka kaluar dhe po kalon vendi ynë dhe më pas e ka njoftuar me prioritetet e politikës së jashtme të Republikës së Kosovës duke filluar nga përshpejtimi i procesit të liberalizimit të vizave për të gjithë qytetarët; shtimin e përpjekjeve dhe angazhimeve diplomatike për rritjen e numrit të njohjeve për shtetësinë e Kosovës si dhe anëtarësimin në organizatat ndërkombëtare dhe fokusimi më i madh në Diplomacinë Ekonomike.

Të dy bashkëbiseduesit kanë shprehur zotimin dhe vullnetin e dy-anshëm dhe janë pajtuar për ruajtjen, intensifikimin dhe hapjen e urave të reja bashkëpunimit në mes dy vendeve dhe dy popujve.

Zëvendësministrja e Punëve të Jashtme, Rejhan Vuniqi: Kosova do të zbatojë obligimet e MSA-së përkitazi me cilësinë e ajritZëvendës-Kryeministri i Parë dhe Ministri i Punëve të Jashtme i Republikës së Kosovës, Behgjet Pacolli merr pjesë në përurimin e liqenit akumulues në lumin IbërZëvendësministri Berisha pret në takim ambasadorin slloven, BertonceljMinistri Pacolli takon shkrimtarin Kadare-Kadare: Pacolli ka vënë në shërbim të Kosovës, emrin, autoritetin dhe personalitetin e tij