Na ndiqni në:

Zëvendës-Kryeministri i parë dhe Ministri i Jashtëm, z. Behgjet Pacolli, pranon detyrën zyrtare si Ministër i Jashtëm

Prishtinë, 11 Shtator 2017 - Zëvendës-Kryeministri i Parë dhe Ministri i Jashtëm, z. Behgjet Pacolli, ka pranuar sot detyrën zyrtare si Ministër i Jashtëm i Republikës së Kosovës nga Ushtruesi i Detyrës së Ministrit të Jashtëm të deritanishëm, Emanuel Demaj, gjatë një ceremonie zyrtare të pranim-dorëzimit, e cila u zhvillua në ambientet e Ministrinë e Punëve të Jashtme.

Me rastin e pranim-dorëzimit, Ushtruesi i Detyrës së Ministrit të Jashtëm, Demaj fillimisht i ka uruar mirëseardhje Ministrit të ri të Jashtëm, Behgjet Pacolli, duke e informuar atë mbi gjendjen e aktuale në këtë Institucion, por edhe mbi detyrat dhe angazhimet e proceset e rëndësisë së veçantë, që e presin Ministrinë e Jashtme gjatë periudhës në vijim.

Zëvendës-Kryeministri i Parë dhe Ministri i Jashtëm, Behgjet Pacolli, ka falënderuar z.Emanuel Demaj si dhe lidershipin tjetër të MPJ-së për punën, angazhimin dhe përkushtimin e deritanishëm.

Në vijim, ai u zotua për bashkëpunim të plotë dhe profesional me të gjithë zyrtarët në këtë Institucion, duke i theksuar në veçanti disa nga parimet kryesore të qeverisjes dhe lidershipit të tij që mbështeten në vlerat njerëzore, por duke i dhënë një rëndësi të veçantë edhe kualitetit, angazhimit dhe përkushtimit të plotë në punë.

“Sinqeriteti, besimi dhe vlerat tek njerëzit janë shumë me rëndësi. Shpresojmë shumë, që secili që punon bashkë me mua, në fund të ditës do të llogaris se ku e ka shpenzuar kohën. Ne do të kultivojmë kualitet”, ka thënë Zëvendës-Kryeministri i Parë dhe Ministri i Jashtëm, z.Behgjet Pacolli.

Zëvendësministri Berisha priti në takim ambasadorin e Çekisë, Ivo ŠilhavyMinistri i Jashtëm Pacolli prezanton prioritetet e politikës së jashtme para studentëve të Universitetit të Vjenës dhe LidosMinistri i Jashtëm Pacolli dënon aktin e vrasjes së politikanit serb nga Kosova, Oliver IvanoviqMinistri i Jashtëm Pacolli takon përfaqësuesen e Ambasadës amerikane, Hyland pranon letrat e urimit nga Presidenti Trump dhe Sekretari Tillerson