Na ndiqni në:

Hoxhaj takon homologun Gabriel, Gjermania mbështet Kosovën në procesin e integrimeve

Prishtinë, 13 prill 2017 – Ministri për Punë të Jashtme i Kosovës, Enver Hoxhaj ka pritur në takim ministrin e Jashtëm të Gjermanisë, Sigmar Gabriel, i cili po qëndron për vizitë zyrtare në Kosovë.

Ministri Hoxhaj duke falënderuar homologun e tij gjerman për përkrahjen e vazhdueshme të Gjermanisë, ka thënë se Gjermania mbetet një partner i fuqishëm strategjik për Kosovën. Gjatë takimit të dy homologët kanë shkëmbyer pikëpamjet për procesin e integrimit të Kosovës në Bashkimin Evropian. Gjermania vazhdon ta mbështesë Kosovën në këtë rrugë, e veçmas në procesin e liberalizimit të vizave, mirëpo është theksuar nevoja për më shumë përkushtim sa i përket ratifikimit të demarkacionit.

Ministri Hoxhaj dhe Gabriel kanë diskutuar edhe në lidhje me mbështetjen e Gjermanisë për anëtarësimin e Kosovës në organizata ndërkombëtare dhe njohjet e reja diplomatike.

“Kemi marrë lëvdata për implementimin e kritereve teknike sa i përket liberalizimit të vizave, por që duhet më shumë përkushtim për ratifikimin e demarkacionit si kushti i vetëm i mbetur. Po ashtu, Gjermania do ta përkrahë Kosovën për anëtarësimin në organizata ndërkombëtare dhe në njohjen e mëtutjeshme diplomatike. Patjetër që biseduam edhe për thellimin e bashkëpunimit bilateral dhe rritjen e shkëmbimeve ekonomike e tregtare në mes të Kosovës dhe Gjermanisë”, ka deklaruar Hoxhaj.

Më herët, Hoxhaj e ka pritur homologun gjerman me të arritur në aeroportin e Prishtinës. 

Takim i suksesshëm midis dy ministrave të jashtëm dhe zëvendëskryeministrave të Bullgarisë dhe Kosovës, Zaharieva dhe Pacolli në SofjeMinistri i Jashtëm Pacolli uron miratimin e Sekretarit të Shtetit amerikan, Mike Pompeo, shpreh gatishmërinë për thellimin e mëtejmë të marrëdhënieve në mes dy vendeveZëvendës ministrja Vuniqi në Forumin Ekonomik në Luksemburg, fton bizneset të investojnë në KosovëMinistri i Jashtëm Pacolli prezanton prioritetet dhe sfidat e Politikës së Jashtme të Kosovës në tryezën e diskutimit të organizuar nga Instituti i Prishtinës për Studime Politike