Na ndiqni në:

Selimi: Kosova dhe Tajlanda thellojnë marrëdhëniet

Prishtinë, 31 maj 2016 – Ministri në detyrë i Punëve të Jashtme i Republikës së Kosovës, Petrit Selimi, ka pritur sot Zëvendësdrejtorin e Përgjithshëm në Ministrinë e Punëve të Jashtme të Tailandës, Wattana Kunwongse dhe Katesuda Thongna Kate, përgjegjëse për deskun e Kosovës.

Ministri Selimi dhe diplomatët nga Tajlanda janë pajtuar për nënshkrimin e marrëveshjeve të para bilaterale në mes dy shteteve, përfshirë  heqjen e dyanshme të vizave për vizita zyrtare, themelimin e komisionit bilateral për bashkëpunim ekonomik si dhe për hapjen e mundshme të Ambasadës së Kosovës në Bangkok.
 
Duke iu uruar mirëseardhje në konferencën ndërfetare Interfaith Kosovo, ministri Selimi i njoftoi ata për përparimet që ka bërë Republika e Kosovës në sistemin multilateral ndërkombëtar, në raport me Bashkimin Evropian dhe organizatat e tjera ndërkombëtare.
 
Nga ana tjetër përfaqësuesit e MPJ-së nga Tajlanda, shprehën kënaqësinë për ftesën për pjesëmarrje në Konferencën Ndërfetare dhe për vizitën e tyre të parë në Kosovë.

Me këtë rast ata janë shprehur të bindur se Kosova do të vazhdojë të gëzojë përkrahjen e Tajlandës në rrugën e saj të shtet ndërtimit. Bashkëbiseduesit u pajtuan për zhvillimin e marrëdhënieve bilaterale në nivele të tjera më cilësore dhe u zotuan për punë të përbashkët në avancimin e bashkëpunimit mes dy shteteve, me fokus në rritjen e bashkëpunimit ekonomik.

Zëvendësministrja e Punëve të Jashtme, Rejhan Vuniqi: Kosova do të zbatojë obligimet e MSA-së përkitazi me cilësinë e ajritZëvendësministri i Jashtëm Berisha takoi ambasadorin italian, bashkëpunimi në interes të dy vendeveMbahet Konferenca rajonale e sigurisë “NATO dhe Ballkani Perëndimor: Dinamikat rajonale në periudhën e sfidave globale të sigurisë” Zëvendës-Kryeministri i Parë dhe Ministri i Punëve të Jashtme i Republikës së Kosovës, Behgjet Pacolli merr pjesë në përurimin e liqenit akumulues në lumin Ibër